قطر کې د افغان حکومت او طالبانو ګډ کاري پلاوی وټاکل شو
د افغان دولت د مرکچي پلاوي غړې فوزیې کوفي پر خپل فېسبوک ویلي چې دا کاري ډله به د اجنډا پر ټاکلو کار کوي.
په دوحه کې د ازادي راډیو خبریال وایي په دې کاري ډله کې د افغان دولت د پلاوي له لوري معصوم ستانکزی، فوزیه کوفي، ضرار احمد مقبل، عنایتالله بلیغ او نادر نادري شامل دي او د طالبانو له لوري شېر محمد عباس ستانکزی، مولوي عبدالکبیر، نورالله نوري، شهابالدین دلاور او شېخ قاسم ترکمن برخه لري.
د سولې مذاکراتو پرانیستونکې غونډه نن تر غرمې مخکې پای ته ورسېده، خو دواړه لوري د اصلي خبرو د پیل لپاره چې د دوشنبې په ورځ به وي، مقدماتي غونډې کوي.
په دوحه کې د ازادي راډیو خبریال وایي، دا مهال دوه اړخیزې او درې اړخیزې غونډې دوام لري چې تر ډېره تعارفي بڼه لري.
دا مذاکرات د افغانستان د نږدې ۴۰ کلنې جګړې د ختمېدو په هدف کېږي.