په چیچین جمهوریت کې پر پولیسو د بريد مسئولیت داعش ډلې ومانه
النبا ورځپاڼه چې له داعش ډلې سره اړیکې لري، د سند له وړاندې کولو پرته پرون په دې اړه خبر ورکړ.
د ډسمبر پر ۲۸ نېټه دوو کسانو چې په چړو سمبال وو، د چیچن په مرکز ګروزني کې پر پولیسو د چړو برید وکړ، یو پولیس یې وواژه او بل یې ټپي کړ.
د چیچن نیمه خپلواک جمهوریت مشر رمضان قادروف وویل، چې برید کوونکي د ګاونډي انګوشیتیا وو چې په چیچن کې یې په یوې نانوايي کې کار کاوه.
دا دوه کسان کومه جنایې یا د تندلارۍ سابقه نه لري.
د انګوشیتیا چارواکو له چیچن څخه د دې برید په اړه نور جزییات غوښتي دي.