بایډن د اوباما د وخت ۲ چارواکي بهرنیو چارو وزارت ته معرفي کړي
وینډي شرمن چې له ایران سره یې د امریکا په استازیتوب په دوه زره پنځلسم کال کې د اټمي تړون خبرې مخته وړې او له ۲۰۱۱مه تر دوه زره پنځلسمه د بهرنیو چارو د وزارت مرستیاله وه د راتلونکي بهرنیو چارو وزیر انټوني بلینکن د مرستیالې په توګه غوره شوې ده.
د دې ګمارنې د تایید لپاره د سنا موافقه شرط ده.
که شرمن د بهرنیو چارو وزارت مرستیاله شي، ښایي بیا د ایران په خبرو کې کښېله شي.
د بایډن د انتقالي ټیم ویاند نیډ پرایس په دې اړه له تبصرې کولو ډډه کړې ده.
همدا راز د یو شمېر راپورونو له مخې ویکتوریا نولانډ چې کله له دوه زره دیارلسمه تر دوه زره اوولسمه د امریکا د بهرنیو چارو په وزارت کې د اروپا او اسیا -اروپا د چارو لپاره مرستیاله وه او د اوکراین پر سر یې له روسي چاراکو سره جنجال کړی و، د بهرنیو چارو په وزارت کې د درېیم مقام په حیث د مرستیالې په توګه ټاکلې ده.