افغان چارواکي: فاریاب کې ۳۰ طالبان وژل شوي
په شمال کې د شاهین قول اردو په یوه اعلامیه کې چې نن جمعه (د کب ۲۹مه) خپره شوې راغلي، دا هوایي بریدونه تېره ورځ د فاریاب د قیصار ولسوالۍ په اړوندو سیمو د وسله والو طالبانو پر مرکزونو شوي دي.
اعلامیه زیاتوي چې دې بریدونو کې ۱۷ نور طالبان ټپیان شوي دي.
د اعلامیې له مخې وسله وال مخالفینو د دغو پرله پسې بریدونو په نتیجه کې د قیصار ولسوالۍ له مرکزه شاتګ کړی او د کلیو د تصفیې لپاره د افغان امنیتي ځواکونو له خوا کور په کور تلاشۍ رواني دې.
طالبانو تر اوسه په دې اړه تبصره نه ده کړې.