د پاکستان صدراعظم عمران خان مېرمن هم په کرونا ویروس اخته شوه
دا په داسې حال کې ده چې صدراعظم خان څو ورځې مخکې د کرونا ضد واکسین لومړۍ ستن لګولې وه چې د روغتیا وزارت او نورو چارواکو په حواله پوره نهو واکسین شوی.
د صدراعظم ځانګړي روغتیایي سلاکار فیصل سلطان په یوه ټویټ کې ویلي چې عمران خان ځان په کور کې له نورو جلا کړی دی.
ښاغلي سلطان نن ویلي چې د صدراعظم د مېرمنې او د صدراعظم په مشرۍ د تحریک انصاف ګوند د دوو نورو لوړ رتبه چارواکو ټېسټ هم مثبت و.
صدراعظم عمران خان تېره پنجشنبه د سینوفارم په نوم کرونا ضد واکسین لګولی و چې تر اوسه په پاکستان کې یوازنی لګول کېدونکی واکسین دی.
چین په فبرورۍ میاشت کې پاکستان ته د دغه واکسین پنځه لکه دوزه مرسته وکړه.