د عراق یوه روغتون کې اورلګېدنې ۲۷ تنه وژلي او ۴۶ نور یې ټپیان کړي
چاودنه شنبه ماښام د اکسیجن د یوې ډبې له امله وشوه چې وروسته د یوه سخت اور د پيل لامل هم شوه.
چارواکو ویلي چې اور یې اوس په بشپړه توګه مهار کړی دی.
د عراق صدراعظم مصطفی کاظمي هلته د درېیو ورځو ماتم اعلان کړی او هم یې ټینګار کړی چې د اور د علت په اړه جدي څېړنې وشي.
د راپورونو له مخې الخطیب روغتون چې د اور ضد سیسټم یې نه درلود دې پېښه کې په بشپړه توګه ویجاړ شوی دی.
په عراق کې په کرونا ویروس د اخته خلکو شمېر له یو میلیون اوښتی چې دا په عربي هېوادونو کې پر کرونا د اخته خلکو تر ټولو لوړ شمېر دی.