چارواکي: ننګرهار کې د طالبانو د سرې قطعې شپږ غړي ووژل شول
د ننګرهار مطبوعاتي دفتر نن په یوه بیان کې وویل چې طالبانو ته دا تلفات تېره شپه په غازي بابا سیمه کې د امنیتي ځواکونو د حملې په نتيجه کې واوښتل.
په اعلامیه کې راغلي چې په حمله کې دوه کسان ټپیان شوي دي.
طالبانو تر اوسه په دې اړه رسنیو ته څه نهدي ویلي.
د راپورونو پر بنسټ، د طالبانو سره قطعه په ۲۰۱۶ کال کې جوړه شوې او د افغانستان په بېلابېلو سیمو کې یې په څو پراخو حملو کې ونډه لرلې ده.
د ننګرهار ولایت په ځینو سیمو کې طالبان او د اسلامي دولت نومې ډلې داعش د خراسان ولایت جنګیالي فعال دي.