قرغزستان او تاجکستان له لانجمنې سرحدي سیمې پر شاتګ موافقه وکړه
د دواړو خواوو ترمنځ په سرحدي نښته کې د ملکیانو په شمول ۴۰ تنه وژل شوي او لسګونه نور ژوبل شوي دي.
د دغو دوو ګاونډیو هېوادونو د ملي امنیت چارواکو پرون (شنبه) له پولې د ځواکونو پر ایستلو سلا وکړه.
د دواړو خواوو پلاوو وروسته له دې له یو بل سره د باتکین په سیمه کې ولیدل چې د تاجکستان ولسمشر امام علي رحمان او د قرغزستان ولسمشر سادیر جباروف ټیلیفوني خبرې وکړې.
د ازادي راډیو خبریالانو پرون د قرغزستان په سرحدي سیمه کې وویل چې د خورو-ورو ډزو غږ اورېدل کېږي او تاجک ځواکونهیې لیدلي چې هغه سړکیې بند کړی چې د باتکین او د قرغزستان لي بیک سیمې سره نښلوي.
د قرغزستان د سرحدي خدماتو اداره تاجک ځواکونه تورنوي چې د لي لیک سیمې پر هغو کورونو یې ډزې کړي چې اوسېدونکي یې نورو سیمو ته تښتېدلي دي.
له بلې خوا د لي لیک سیمې څنګ ته په بوبوجان غفوروف سیمه کې د تاجکستان یو چارواکی اکبر یوسفي دا تور او د سړک د بندولو خبره ردوي.
یوسفي ازادي راډیو ته وویل چې ټول سړکونه پرانیستي دي او په تګ راتګ کې هېڅ ستونزه نهشته.
د دواړو خواوو ترمنځ شخړه د چهارشنبې په ورځ وروسته له دې پیل شوه چې د پولې د دواړو خواوو اوسېدونکو د تاجکستان وُروخ سیمې ته نږدې د اوبو د وېش په یوه ځای کې د څارونکو کمرو د نصب کېدو پر سر لانجه وکړه.
قرغزستان وايي چې د یوې نجلۍ په ګډون د دغه هېواد ۳۳ وګړي وژل شوي او ۱۶۳ نور ژوبل شوي دي.
۱۶۳ تن دیگر زخمی شده اند.
مقامها گفته اند که حدود ۲۰ هزار تن عمدتاً زنان و کودکان از روستاهای نزدیک مرز تخلیه شده اند.
تاجیکستان گفته که ۹ تن از شهروندانش زخمی شده اند. به گفتۀ مقامها دو تن از این افراد بر اثر اصابت گلوله زخم برداشته اند و برای تداوی به شفاخانه منتقل شده اند.
چارواکي وايي چې پولې ته له نږدې کلیو کابو ۲۰ زره تنه چې اکثره ښځې او ماشومان دي، لېږدېدو ته اړ شوي دي.
تاجکستان وايي چې ۹ تنهیې ټپیان شوي دي.
خو په سیمه کې د ازادي راډیو یو خبریال ته څرګنده شوې چې د تاجکستان اووه پوځیان او یو ۱۵ کلن ماشوم په جګړو کې وژل شوي دي.
د قرغزستان ولسمشر پرون ملي ویر اعلان کړ.
په همدې حال کې د افغانستان د بهرنیو چارو وزارت په یوه اعلامیه کې د تاجکستان او قرغزستان ترمنځ پر سرحدي نښتو اندېښنه وښوده او له دواړو خواوو یې وغوښتل چې رامنځته شوې لانجه د سیاسي خبرو اترو له لارې حل کړي.