هاګ محکمې د راتکو ملادیچ د استیناف غوښتنه رد کړه
ملادیچ تر دویمې نړیوالې جګړې وروسته په اروپا کې تر ټولو ناوړه جنایتونو کې د خپل رول له کبله محکوم شوی دی.
محکمې په پرونۍ جلسه کې چې د کرونا ویروس د محدودیتونو له کبله د تړلو دروازو تر شا وشوه، خپل حکم صادر کړ.
د استیناف د غوښتنې رد کېدل په دې معنی دي چې دغه نهه اویا کلن پخوانی جنرال به خپل پاتې عمر په بند کې تېروي.
پر ده په لګېدلو تورونو کې د ۱۹۹۵میلادي کال په نیمايي کې د بوسنیا د صرب ځواکونو له خوا د بوسنیا په ختیځ ښارګوټي سربرنیڅا کې د شا او خوا ۸۰۰۰ مسلمانو نارینه وو او هلکانو ډله ییزه وژنه هم شامله ده.
ملادیچ د محاکمې په ټوله پروسه کې پر خپله بې ګناهۍ ټینګار کړی دی.