افغانستان کې تېرو ۲۴ ساعتونو کې کرونا ویروس ۸۶ تنه مړه کړل
د وزارت په وینا ۱۹۴۰ کسان په دې موده کې په کرونا اخته شوي هم دي.
داسې وخت د کرونا په شمېر کې زیاتوالی راغلی چې د افغانستان روغتونونه تر ډېر فشار لاندې دي او د 'کووېډ-۱۹' ناروغانو لپاره ځانګړي شوي روغتونونه له حده زیات ډک شوي دي.
د رسمي احصائیو له مخې، په افغانستان کې د کرونا ویروس په ناروغۍ د اخته کسانو شمېر له ۱۲۲ زرو لوړ تللی او د مړو شمېر له پنځه زرو پورته شوی دی.
روغتیايي کارپوهان وايي ښايي له دې چې لیرو پرتو سیمو ته د روغتیاپالانو او چارواکو لاسرسی کم دی د کرونا واقعي مثبتې پېښې او د مړینو شمېر تر دې ډېر لوړ وي.