تاجکستاني چارواکي: تېرو دوو ورځو کې له افغانستانه ۳۴۷ قرغز توکمي راوښتي
د تاجکستان چارواکو ویلي چې په تېرو دوو ورځو کې د افغانستان له واخانه ۳۴۷ قرغز توکمي وراوښتي دي.
د ازادې اروپا/ ازادي راډیو تاجکي څانګې دا خبره د تاجکستان د سرحدي ځواکونو په حواله خپره کړې ده.
د تاجکستان د سرحدي ځواکونو لهخوا په دې تړاو په خپره شوې اعلامیه کې راغلي چې دغو افغان اتباعو د طالبانو د بریدونو له وېرې تاجکستان ته پناه وروړې او تاجک پولهساتو هم لار ورکړې ده.
دمګړۍ دغو افغانانو ته د تاجکستان په مرغاب سیمه کې ځای ورکړل شوی.
د تاجکستان پولهساتو ځواکونو بیا ادعا کړې چې له دغو افغان پناه غوښتونکو نهیې درې نیم کیلوګرامه مخدره مواد هم کشف او ضبط کړي دي.
د راپورونو په اساس د دغو افغان قرغز توکمو دوه ماشومان د لارې په اوږدو کې مړه شوي دي.