ګرجستان کې د ښاروالیو انتخابات؛ واکمن ګوند بریالی شو
په ګرجستان کې د ښاروالیو د ټاکنو په پای ته رسېدو سره واکمن ګوند بریالی اعلان شوی دی.
د دغو ټاکنو بهرني څارونکي وایي، د ټاکنو پرمهال ځینې ګډوډۍ ولیدل شوې.
د انتخاباتو مرکزي کمېسیون تېر مازېګر اعلان وکړ چې د ټولو څه باندې ۳۷۰۰ مرکزونو او رایګیرۍ مرکزونو د رای پاڼو په شمېرلو سره واکمن ګوند "د ګرجستان هیلي ګوند" ۴۶ اعشاریه ۷ فیصده رایي ګټلي.
مخالفه ګوند "ملي متحد غورځنګ" نږدې یو دېرش فیصده رایې خپلې کړي.
له دې سره په یو وخت د ګرجستان د پخواني ولسمشر میخائیل ساکاشویلي پلویانو مظاهره کړې او له زندانه د هغه را خوشې کېدو غوښتنه یې کړې ده.
ساکاشویلي چې جمعه له اوکرایینه ګرجستان ته ستون شو ونیول شو. هغه ویلي د نه خوړو اعتصاب ته به دوام ورکړي.