د پاکستان په لاهور کې د اسلامپالو لاریون په اخ او ډب واوښت
د پولیسو یوه ویاند رانا عارف وویل چې دوه پولیس افسران د معترضانو له خوا د تیږو په ګوزارونو کې وژل شوي او یو بل ټپي دی.
نوموړي زیاته کړه چې دوه تنه لاریونوال هم وژل شوي او څو نور ټپیان دي.
تاوتریخوالی هغه مهال پیل شو چې د تحریک لبیک پاکستان زرګونه پلویانو له لاهوره د پلازمېنې اسلام اباد پر لور لاریون کاوه.
دوی غواړي چې د دې اوږده لاریون په ترڅ کې اسلام اباد ته ولاړ شي او حکومت اړ کړي چې د تحریک لبیک د غیرقانوني ګوند مشر سعد رضوي خوشې کړي.