یو اېس ټوډې: د بایډن بندیزونه به افغانستان کې تر ۲۰ کلنې جګړې زیات ملکیان ووژني
یو اېس ټوډې
یو اېس ټوډې ورځپاڼې په وروستۍ ګڼه کې تر دې سرلیک لاندې لیکنه خپره کړې چې د بایډن بندیزونه به په افغانستان کې تر ۲۰ کلنې جګړې زیات ملکیان ووژني.
ورځپاڼه لیکي، کله چې د امریکا ولسمشر جو بایډن له افغانستانه د امریکايي پوځیانو د ایستلو پرېکړه وکړه، د امریکا اکثره رسنیو پرې نیوکې وکړې او دا انتقادونه د جمهوريپالو له اعتراضونو سره یوځای د بایډن پر سینه یو دروند بار و.
د یو اېس ټوډې په نظر که دا پرېکړه نهوی شوې، ښايي لا ډېر تاوان پېښ شوی وی، خو له دې کبله چې جو بایډن د افغانستان جګړه پای ته ونهرسوله، بلکې پر افغانانو یې لا خطرناکه جګړه وتپله چې دا جګړه کېدای شي لا وژونکې وي او بېثباتې ډېره کړي.
ورځپاڼې د افغانستان بانک د کنګل شویو شتمنیو یادونه هم کړې او ورسره په یو وختیې د کاختۍ، لوږې او د بشري ناورین یادونه کړې ده.
ورځپاڼې په روغتونونو کې په خوارځواکۍ د اخته ماشومانو او همداراز بېوزلو افغانانو عکسونه خپاره کړي او هغه د جو بایډن د اقدام پایله بولي.
د یو اېس ټو ډې پر اساس، د افغانستان بانک پیسې د افغانستان د خلکو دي او کنګل کېدا یې د افغانستان اقتصاد لهمنځه وړي.
د ورځپاڼې په نظر په هره اندازه چې پیسې ژر افغانستان ته ورسېږي، په هماغه اندازه اقتصاد ښه کېږي او د هغو ماشومانو چې له لوږې سره مخامخ دي، ژوند ژغورل کېږي.
نیویارک ټایمز
نیویارک ټایمز ورخپاڼې بیا په وروستۍ ګڼه کې په امریکا کې د افغانستان د سفارت او قونسلګرۍ د برخلیک په اړه لیکنه خپره کړې ده.
ورځپاڼه وايي، په افغانستان کې د حکومت له رسمیت پېژندل کېدو پرته او په واشنګټن کې د افغانستان د سفارت د ډیپلوماتانو او کارکوونکو له معاش پرته به په واشنګټن کې د افغانستان سفارت او په لاس انجلس کې قونسلګري حتی د برېښنا د بېل د ادا کولو وس ونهلري.
د نیویارک ټایمز له لیکنې سره سم، هېڅ هېواد د طالبانو حکومت په رسمیت نهدی پېژندلی او امریکا ویلي چې که طالبان خپل کوم ډیپلومات هم ورولېږي، د هغه باورلیک به رد کړي.
تر څو چې د افغانستان حکومت په رسمیت ونهپېژندل شي، تر هغو به د امریکا د بهرنیو چارو وزارت په خپله خاوره کې د افغاسنتان د ډيپلوماتیکو ادارو د ساتنې او پالنې مسؤلیت په غاړه واخلي.