جنوا کې د افغانستان لپاره د مرستو د راټولولو لپاره نړیواله غونډه جوړېږي
دا کنفرانس چې ملګري ملتونه، جرمني، بریتانیا او قطر یې کوربهتوب کوي، د ملګرو ملتونو د سرمنشي انتوني ګوترش له لوري پرانیستل کېږي.
ملګرو ملتونو د افغانستان د مرستو په ننني کنفرانس کې د ۴ میلیارده او ۴۰۰ ملیونه ډالره مرستې غوښتنه کړې ده.
د روېټرز خبري اژانس د راپور له مخې، دا له یوه هېواد سره د بشري چارو په خاطر د ملګرو ملتونو له لوري تر ټولو لویه غوښتنه ده، خو د ملګرو ملتونو ویاند ینس لیرک وايي چې تر اوسه پورې یوازې د ۱۳ سلنې مرستې ژمنه شوې ده.
ده وویل، دا مرسته به په مستقیم ډول د مرستندویو مؤسسو له لوري د پروژو په اجرا لګېږي او هېڅ برخه بهیې د طالبانو حکومت ته په لاس نهورکول کېږي.
د افغانستان لپاره د مرستو کنفرانس به د پنجشنبې په ورځ له جنوا څخه په انلاین بڼه د ملګرو ملتونو د سرمنشي انتونیو ګوترش له لوري پرانیستل شي.
د روېټرز خبري اژانس د راپور له مخې، دا کنفرانس داسې مهال جوړېږي چې تېره اوونۍ د طالبانو له لوري له شپږم ټولګي پورته نجونو ته د زدهکړو د اجازې د نهورکولو په خاطر د افغانستان په اړه د هېوادونو اندېښنې زیاتې شوې.
تر دې مخکې هم په ځینو راپورونو کې ویل شوي و چې ښايي د طالبانو اقدامات د دې سبب شي چې نړیوال افغانستان ته په داسې وخت کې شا واړوي چې افغانان د نړیوالو مرستو ته سخته اړتیا لري.
د ملګرو ملتونو پر اساس، نږدې ۲۳ ملیونه افغانان له شدیدې لوږې کړېږي، ۹۵ سلنه افغانانو ته پوره خواړه چې نسیې ورباندې موړ شي، نهرسېږي او ۱۰ ملیونه ماشومان د ژوندي پاتې کېدو لپاره فوري مرستو ته اړتیا لري.
پرون (چهارشنبې) د دغه کنفرانس په درشل کې بریتانیا په افغانستان کې د ژوند ژغورنې په خاطر د خوراکي موادو او نورو اړتیا وړ شیانو لپاره د ۲۸۶ ملیون پونډه مرستې ژمنه وکړه.
د بریتانیا د بهرنیو چارو وزیرې لیز تراس افغانستان ته د ۲۸۶ ملیون پونډه مرستې د اعلان په مهال وویل: "له خپلو متحدانو او شریکانو سره یوځای، موږ له افغانستان سره د مرستې لپاره هره څه چې کولای شو، وبهیې کړو."
د ناروې د کډوالو د شورا سرمنشي ین ایګلاند له مرستندویانو د مرستې غوښتنه وکړه، ویېویل: "دا کنفرانس یو فرصت دی چې دا وښیو چې موږ په دې تیاره او سختو شېبو کې له افغانستان سره ملګري یوو."