د میکسیکو يو ښاروال له سیمسارې سره واده وکړ
مګر مچ، تمساح یا سیمساره که څه هم یو خطرناک ژوی ګڼل کېږي او خلک ترې لرې تښتي خو د میکسیکو یو ښاروال ورسره واده کړی او د واده په جشن کې یې خلکو او ده پخپله نڅاوې هم کړې دي. هلته د میکسیکو په اوکساکا ایالت کې دا یو پخوانی دود دی چې په دې ډول ودونو سره خلک له طبیعت نه د مهربانۍ او فضل غوښتنه کوي. هغوی ګڼي چې که د ښار مشر له سیمسارې سره واده وکړي نو پر هغوی به د رزق پریماني وشي. رایټرز اژانس پرې یو راپور جوړ کړی چې مجید بابر درته پښتو کړی دی.