په هرات کې د فول رزم ملي لوبډلې لپاره د لوبغاړو غوراوي سیالۍ ترسره شوې
په هرات ولایت کې د فول رزم ملي لوبډلی لپاره د لوبغاړو د غوراوي سیالۍ ترسره شوې.
د بدني روزنې او ورزش ریاست له لوري به خپره شوې خبرپاڼه کې ویل شوي، د افغانستان په کچه د فول رزم ملي لوبډلې د رامنځته کولو په هدف د غوره څېرو د پېژندلو په لړ کې، له هرات ولایت څخه لس ورزشکاران غوره شول.
دا سیالۍ چې د هرات ولایت له څلورو کلبونو څخه د ۶۰ ورزشکارانو په ګډون ترسره شوې، د سیالیو غوره څېرې به په کابل کې په فول رزم ملي لوبډلې کې د ګډون لپاره له ګڼو نورو ورزشکارانو سره هم سیالي کوي.