د افغانستان په ۱۹ ولایتونو کې د ورښتونو او سېلابونو د راوتو اټکل شوی
دغې ادارې په بدخشان، تخار نورستان، کونړ، لغمان، ننگرهار، کاپیسا، پنجشېر، بغلان، پروان، کابل، میدان وردک، لوګر، پکتیا، خوست، پکتیکا، غزني، ارزګان او زابل ولایتونو کې د احتمالي ورښتونو او د سېلابونو د راوتلو اټکل کړی دی.
د ورښتونو اندازه د لسو او څلویښتو ملي مترو ترمنځ اټکل شوې ده.
د دغې ادارې د خبرپاڼې له مخې په هرات، فراه او نیمروز کې له خاورو او دوړو سره د تندو بادونو وړاند وینه شوې ده.
سېلابونو پرون د کابل ـ کندهار لویه لاره هم په غزني کې پرېکړې وه چې له امله یې په سلګونو مسافر په لاره کې بند پاتې شول.
په داسې حال کې چې د افغانستان په یو شمېر سیمو کې وروستیو سېلابونو خلکو ته ډېر ځاني او مالي زیانونه اړولي او په یو شمېر ولایتونو د نورو سېلابونو د راوتلو خبرداری ورکړل شوی، د طالبانو حکومت له ملګرو ملتونو غوښتي چې له سېلاب ځپلو سره دې مرستې وکړي.