لوړ پوړی روسي چارواکی: د اوکراين جګړه کې ښکېلې سپوږمکۍ ښايي په نښه شي
هغه وویل، پر دې ظاهرا غیر نظامي جوړښتونو کېدای شي هدفي ځوابي بریدونه وشي.
هغه د ملګرو ملتونو لومړی کمېټې ته وویل، د اوکراین د جګړې لپاره د لوېدیځ سپوږمکۍ کارول پارونکی دي.
ورنسټوو که څه هم په مشخص ډول د کوم شرکت نوم یاد نهکړ خو زیاته يې کړه، موږ د ټولو هغو غیر نظامي جوړښتونو او فضايي وسایلو په اړه خبرې کوو چې امریکا او متحدان یې د اوکراین د جګړې د ملاتړ لپاره کاروي.
د دې میاشتې په پیل کې د ټکنالوژۍ د برخې میلیاردر ایلان ماسک وویل، هغه د خپل سپسیس ایکس شرکت له لارې اوکراین کې د سټارلینګ انټرنټ برابرولو ته دوام ورکوي او دا يې د خپلې ټکنالوژۍ کارولو ښه اړتیا وبلله.
ماسک د فبرورۍ په وروستیو کې وروسته له هغه چې پر اوکراین د روسیې د برید له امله انټرنټي خدمات ګډ وډ شول سټارلینک فعاله کړ او په ترڅ کې يې د ځمکې په مدار کې له دوو زرو څخه د زیاتو سپوږمکیو شبکه او په ځمکه کې په زرګونو ټرمنلونه رامنځته کړل.
د ملګرو ملتونو لومړی کمېټه د عمومې اسمبلې د هغو شپږو کمېټو یوه ده چې د بې وسلې کولو او د نړیوالو امنیتي موضوعاتو سره سرو کار لري.
دغه کمېټه هر کال د اکتوبر په میاشت کې له ۴ څخه تر ۵ اونیو پورې غونډې لري.
روسیه د امریکا او چین په څېر د پام وړ فضايي عملیاتو وړتیا لري.