طالبانو له یوې چینایي کمپنۍ سره د اموسیند د نفتي حوزې تړون لاسلیک کړ
خبرپاڼه کې راغلي چې د دغې پروژې په پلې کېدو سره به څو کاله وروسته افغانستان د تېلو د کېندنې له اړخه پر ځان بسیا او شاوخوا درې زره کسانو ته به د کار زمینه برابره شي.
د امو سیند نفتي حوزه ۴،۵۰۰ کیلومتره مساحت لري چې په درېیو شمالي ولایتونو جوزجان، سرپل او فاریاب کې پرته ده.
د طالبانو حکومت وایي، چینایي کمپنۍ به په لومړي کال کې پر دې سیمه ۱۵۰ میلیونه ډالره پانګونه کوي او راتلونکو درېیو کلونو کې به ۵۴۰ میلیونه ډالره نوره پانګه پرې اچوي.
د تړون موده ۲۵ کلونه ښودل شوې ده.