ټېسټ کرکټ؛ هند په لومړۍ ورځ تر اسټرالیا ښه لوبه وکړه
د کوربه هندوستان او اسټرالیا ترمنځ لومړۍ ټېسټ سیالي د هند په ناګپور لوبغالي کې پیل شوې چې په لومړۍ ورځ د هند لوبغاړو ښه لوبه ترسره کړه.
اسټرالیا په لومړۍ ورځ د هندي ورو توپ اچونکو پر وړاندې ښه لوبه ونه کړه او ټول لوبغاړي یې په ۱۷۷ منډو وسوځېدل.
د اسټرالیا مخکښ توپ وهونکی مارنوس لبیشاین و چې ۴۹ منډې یې جوړې کړې.
د هند په توپ اچونکو کې رویندرجدیجا ۵، اشوین ۳، محمد سراج او محمد شامي یو یو لوبغاړی وسوځاوه.
د هندوستان توپ وهونکي هم د خپلۍ پاڼۍ په پيل کې تر دې دمه بریالي دي او په ۷۷ منډو یې یوازې یوه ویکټ له لاسه ورکړې او لوبډلمشر روحیت شرما په ۵۶ منډو ناسوځېدلی ولاړ دی.
د یادونې ده چې هندوستان او اسټرالیا به ۴ ټېسټ او ۳ یو ورځنۍ لوبې ترسره کړي.