شپاړسو ایټالوي ګرځندویانو غور ته سفر کړی
شپاړس ایټالیایي ګرځندویان غور ولایت ته تللي دي، د دې کسانو عکسونه پرون په خواله رسنیو کې خپاره شول.
دا کسان په داسې وخت کې افغانستان ته تللي دي چې د فایننشل ټایمز ورځپاڼې د راپور له مخې د امریکا د بهرنیو چارو وزارت خبرداری ورکړی چې په افغانستان کې د اختطاف او تشدد خطر شته او د بریتانیا د بهرنیو چارو وزارت له خپلو اتباعو غوښتې دي چې افغانستان ته سفر ونه کړي.
ټاکل شوې ده چې د مې په شپږمه هم د ګرځندویانو یوه ډله کابل، کندهار، هرات او بامیان ته سفر وکړي.
یو شمېر لوېدیځو هېوادونو په افغانستان کې د داعش احتمالي بریدونو ته هم اندېښنه ښکاره کړې ده.