د هند په کشمير کې د بس اوښتو له کبله ۱۰ کسان مړه او ۵۵ ژوبل شوي
دا پېښه نن سېشنبه هغه مهال رامنځته شوې چې یو بس موټر، چې هندي زیارت کوونکي يې له پنجاب ایالت څخه کترا ښار ته لېږدول جمو ته نږدې په یوه کنده کې ولوېد.
د فرانسې خبري اژانس د راپور پر بنسټ، د پېښې ځای ته د سیمې اوسېدونکي او چارواکي ورغلي او د ژغورنې عملیات روان دي.
د ځايي پولیسو یو قومندان چندن کوهلي خبریالانو ته ویلي، بس ډېر بار و او مړه شوي کسان د بهار ایالت اوسېدونکي دي.
په کترا کې د ویشنو دیوي زیارت ته هندوانان ډېر درناوی لري او هر کال په سلګونه زره کسان يې لیدو ته ورځي.
هند په نړۍ کې د سړکونو د مړینې تر ټولو لوړه کچه لري چې هر کال په سلګونو زره کسان په کې مړ او ټپیان کېږي.