مجاهد: افغان کډوالو سره د پاکستان چلند د منلو نه دی
طالبان وایي، په پاکستان کې مېشت افغان کډوال د پاکستان په ناامنیو کې لاس نه لري او کوم چلند چې له دوی سره کیږي، هغه د منلو نه دی.
د طالبانو ویاند ذبیح اله مجاهد نن په خپله ایکسپانه کې لیکلي دي، چې اسلام اباد دې پر دې پلان له سره غور وکړي چې له خپلې خاورې غیرقانوني افغان کډوال باسي.
پاکستان د سې شنبې په ورځ وویل، چې شاوخوا یو میلیون او درې اویا زره غیرقانوني افغان کډوال په پاکستان کې ژوند کوي او دا کسان باید د نومبر تر لومړۍ نیټې له پاکستانه ووځي کنه په زوره به وایستل شي.