Rusia: Inspektorët kimikë kanë arritur në Duma
Inspektorët e Organizatës për Ndalimin e Armëve Kimike kanë arritur në Duma, që gjendet në afërsi të kryeqytetit Damask, thuhet në njoftimin e ministrisë ruse.
“Siguria për ekspertët e Organizatës për Ndalimin e Armëve Kimike garantohet jo vetëm nga pala siriane, por edhe nga ushtria ruse në Siri”, thuhet tutje në deklaratë.
Inspektorët ndërkombëtarë janë në Siri që një javë, por nuk kanë mundur që të udhëtojnë drejt vendit, ku dyshohet se u krye sulmi kimik, që la të vdekur dhjetëra persona.
Shtetet e Bashkuara, Franca dhe Britania fajësojë Qeverinë siriane për sulmin dhe në kundërpërgjigje, kanë kryer sulme ajrore në Siri.
Qeveria siriane dhe aleatja e saj Rusia, mohojnë se qëndrojnë prapa këtij sulmi.
Qyteti Duma, në kohën e sulmit, ishte nën kontrollin e grupeve rebele. Rebelët u larguan nga ky qytet, vetëm disa ditë pas sulmit të dyshuar kimik.