Новости за 11.06.2019

Kuvendi i Maqedonisë së Veriut miratoi kërkesën për dorëheqje nga posti i deputetit të Nikolla Gruevskit. Ditë më parë, ish-kryeministri i Maqedonisë së Veriut, Nikolla Gruevski ofroi dorëheqjen nga posti i deputetit, ngase ndaj tij kishte filluar procedura për t’ia hequr mandatit, pasi mungonte për më shumë se gjashtë muaj në seancat e Kuvendit. Gruevski ndodhet në Hungari, ku e ka fituar azilin politik, për shkak të, siç ka thënë, ndjekjes politike nga qeveria e kryeministrit Zoran Zaev. ... Читать дальше...

Këshilli i Sigurimit i Kombeve të Bashkuara ka miratuar njëzëri rezolutën për personat e zhdukur në situata të konflikteve. Vetëm në vitin 2018, sipas Komitetit Ndërkombëtar të Kryqi të Kuq, llogariten mbi 45.000 persona të zhdukur në konflikte, anë mbanë botës. Kryetari i Komitetit, Peter Maurer, i tha Këshillit të Sigurimit se të dhënat e vitit të kaluar "janë maja e Ajsbergut, dhe nuk paraqesin shtrirjen e vërtetë të problemit, dhe as vuajtjet e secilës familje". Komitetit Ndërkombëtar të... Читать дальше...

Një ushtare kanadeze që i ka ndihmuar fëmijët kosovarë kur po shërbente si paqeruajtëse në vitin 1999, është kthyer përsëri për t’i takuar ata. Vuajtjet që atëbotë ajo i ka parë te fëmijët që sapo kishin dalë nga lufta, kanë pasur ndikim të madh në jetën e saj, pasi është përballur me çrregullime të stresit post-traumatik.

Egjipti, Jordania dhe Maroku e kanë informuar administratën e presidentit të SHBA-së, Donald Trump, se do të marrin pjesë në konferencën e organizuar nga SHBA-ja, këtë muaj në Bahrein, ku do të prezantohet një pjesë e planit të paqes ndërmjet Izraelit dhe palestinezëve. Pjesa e planit që do të prezantohet, ka të bëjë me investimet për zhvillimin ekonomik të palestinezëve. Pjesëmarrja e Egjiptit dhe Jordanisë konsiderohet veçanërisht e rëndësishme, pasi që historikisht ato vende kanë qenë lojtarë... Читать дальше...

Ekspertët në Maqedoninë e Veriut, theksojnë se sa më shumë që i afrohet vendi integrimit në Bashkimin Evropian, aq më shumë, sipas tyre, forcohet kontrolli i mjeteve evropiane që shfrytëzon shteti. Këto reagime vijnë, pasi një ditë më parë, me urdhër të Prokurorisë për krim të organizuar është arrestuar Sekretari shtetëror në Ministrinë për Shoqëri Informatike, Jahi Jahiu. Prokuroria dhe dikasteri i policisë dyshojnë se Jahi Jahiu, si Sekretar shtetëror i Ministrisë së Shoqërisë Informatike, bashkë me një punonjës tjetër në këtë dikaster... Читать дальше...

Bota po kalon në një krizë të thellë, dhe mund të jetë në prag të një kohe të luftës, tha presidenti i Francës, Emmanuel Macron gjatë një fjalimi të mbajtur të martën në Gjenevë.  "Unë besoj se sot ne jemi në prag të një kohe lufte dhe kjo luftë është e pranishme në demokracitë tona, është kriza e thellë që po kalojmë. Ne mund të zgjedhim të jemi somnambul, por nëse duam përparim të vërtetë, ne duhet të bëjmë angazhime serioze", tha ai. Macron bëri thirrje për një përpjekje botërore, në adresimin e kërcënimeve siç janë... Читать дальше...

Presidenti i Shqipërisë, Ilir Meta ka ripërsëritur të martën se zgjedhje në Republikën e Shqipërisë “nuk ka dhe nuk do të ketë pa dekretin e presidentit”. Këto komente presidenti i bëri gjatë një konference për media, ku shtoi se zgjedhje të lira dhe të ndershme do të mbahen vetëm ne momentin kur të krijohet klima politike për të bërë një gjë të tillë. “Vendimi është marrë pas retorikave të dy palëve politike. Të dy palët e kishin shpallur 30 qershorin si ditën e betejës së tyre finale. Presidenti... Читать дальше...

Ish-presidenti i SHBA-së Bill Clinton tha se gjithmonë do të jetë krenar që ishte president në kohën kur u ndalë “spastrimi etnik në Kosovë”. Ai tha se Kosova meriton të jetë anëtare e NATO-s dhe Bashkimit Evropian.

Moska tha se ende nuk është vendosur nëse presidenti i Rusisë, Vladimir Putin do të takohet me presidentin e SHBA-së, Donald Trump në samitin G20, që do të mbahet në Japoni, gjatë këtij muaji. Presidenti Trump duket se e ka zënë në befasi administratën ruse kur tha se planifikonte të takonte Putinin gjatë samitit të 20 vendeve më të zhvilluara të botës, raporton Reuters.  Këshilltari i presidentit rus, Yuri Ushakov, u tha gazetarëve se Moska është e hapur dhe shpreson se takimi do të ndodhë,... Читать дальше...

Kombëtarja e Kosovës ka shënuar fitoren e parë në kuadër të ndeshjeve kualifikuese për këtë Kampionat, duke mposhtur Bullgarinë me rezultat 2:3. Kjo njëherësh ka qenë ndeshja ndërkombëtare e 14-të me radhë, që kombëtarja e Kosovës nuk është përballur me humbje, andaj reagimet kanë qenë të shumta.

Kosova meriton të jetë në Bashkimin Evropian, në NATO dhe në çdo organizatë ndërkombëtare, ka deklaruar të martën në Prishtinë, ish-presidenti amerikan Bill Clinton. Këto komente, Clinton i bëri pas një takimi që zhvilloi me presidentin e Kosovës, Hashim Thaçi, i cili i ndau ish-presidentit amerikan “Urdhrin e Lirisë,”, për merita të veçanta për lirinë e Kosovës.  “Isha i lumtur që pasardhësi im, presidenti George W.Bush njohu Kosovën, besoj vetëm një ditë pasi ju shpallët pavarësinë”, tha Clinton. Читать дальше...

Ish sekretarja amerikane e Shtetit, Medeleine Albright, ka arritur në Prishtinë për të marrë pjesë në shënimin e 20 vjetorit të përfundimit të sulmeve ajrore të NATO-s dhe hyrjes së trupave tokësore, që mundësuan përfundimin e luftës në Kosovë. Albright, sikurse ish-presidenti i SHBA-së, Bill Clinton, do të marrin pjesë në aktivitetet shtetërore të organizuara për të shënuar këtë përvjetor. Lajmin për arritjen e ish-sekretares Albright e ka bërë të ditur ish-presidentja e Kosovës, Atifete Jahjaga, përmes një postimi në Facebook. Читать дальше...

Nga një sulm me bombë në veri të Afganistanit janë vrarë gjashtë civilë, në mesin e të cilëve katër fëmijë. Ata u vranë kur një bombë shpërtheu afër mjetit transportues me të cilin po udhëtonin. Zëdhënësi i provincës së Kandaharit, Qasim Afghan, tha se shpërthimi ndodhi në rajonin Dand, dhe të gjithë udhëtarët që ndodheshin në mjetin transportues e humbën jetën. Më pas, u njoftua se të gjitha viktimat i përkisnin të njëjtës familje. Askush deri më tani nuk e ka marrë përgjegjësinë për sulmin... Читать дальше...

Qasja e familjeve kosovare në internet është 93 përqind, që i bie më e lartë se në vendet anëtare të Bashkimit Evropian që është 89 përqind. Po ashtu, në 100 banorë, 7 kosovarë regjistrohen në universitet në krahasim me 3.8 në vendet e BE-së.

Ministrat e Jashtëm të 13 vendeve anëtare të Bashkimit Evropian, përmes një deklarate të përbashkët, kanë përsëritur mbështetjen e vazhdueshme për procesin e integrimit të vendeve të Ballkanit Perëndimor në Bashkimin Evropian. Në deklaratë, i bëhet thirrje Këshillit të Bashkimit Evropian, që në takimin e qershorit, të marrë vendim për hapjen e negociatave për anëtarësim me Shqipërinë dhe Maqedoninë e Veriut. “Fillimi i negociatave në qershor të vitit 2019 do të kontribuojë në forcimin e qëndrueshmërisë së vendeve ndaj interesave të jashtme... Читать дальше...

Fëmijët kosovarë të kthyer nga zonat e konfliktit në Siri dhe Irak, do të fillojnë mësimin në muajin shtator, ka thënë zëvendësministri i Arsimit, Esat Sahiti. “MASHT në bashkëpunim me Ministrinë e Drejtësisë dhe komunat ofron edhe mësimin në qendrën korrektuese dhe burgjet e Kosovës, tashmë nga Ministria e Punëve të Brendshme i kemi edhe të dhënat për numrin e të kthyerve dhe ne do të hartojmë një plan detal dhe presim ose garantojmë, që në shtator të gjithë fëmijët e kthyer do të integrohen në sistemin arsimor”, tha zëvendësministri Sahiti.

Një sulmues i paidentifikuar vrau 19 persona dhe plagosi 13 të tjerë në veri të Burkina Fasos, njoftuan burime zyrtare. Burkina Faso është përfshirë nga dhuna në muajt e fundit. Qindra persona kanë vdekur, dhe rreth 150.000 të tjerë janë detyruar të ikin, nga dhuna që grupet xhihadiste kanë ushtruar në pjesë të ndryshme të vendit. Në periudhën e fundit, janë shënuar tri sulme të armatosura në objektet fetare të krishtera. Incidentet kërcënojnë raportet tradicionalisht të mira mes shumicës myslimane dhe komunitetit katolik në Burkina Faso.

Ish-presidenti i Shteteve të Bashkuara të Amerikës, Bill Clinton ka arritur në Kosovë. Ai po qëndron në Kosovë për të marrë pjesë në aktivitetet që po organizohen për të shënuar 20-vjetorin e hyrjes së trupave të KFOR-it (NATO-s) në Kosovë, që shënon edhe 20-vjetorin e çlirimit të Kosovës. Gjatë ditës, Clinton do të pritet në takime të ndara nga presidenti Hashim Thaçi dhe kryeministri, Ramush Haradinaj. Clinton, presidenti i 42-të i SHBA-së, ishte në krye të këtij shteti në kohën e çlirimit të Kosovës. Читать дальше...

Agjencia Kundër Korrupsionit (AKK) do të bëjë kontrollin e plotë të pasurisë së 974 zyrtarëve publikë të Kosovës. Lista me emrat e zyrtarëve, të cilët do të kalojnë në këtë procedurë, është zgjedhur në bazë të një shorti të cilin AKK-ja e bëri në prezencë të përfaqësuesve të shoqërisë civile dhe mediave. Nga 4862 zyrtarë që deklarojnë pasurinë në AKK, sipas shortit, 974 prej tyre do t’i nënshtrohën kontrollit të plotë të pasurisë, por Agjencia ka mandat të bëjë kontrollin e njëjtë edhe për zyrtarë tjerë... Читать дальше...

Kryeministri i Kosovës, Ramush Haradinaj e mbështeti deklaratën e Shtëpisë së Bardhë, e cila u bën thirrje Kosovës dhe Serbisë, të arrijnë marrëveshje që do të mundësojë njohjen reciproke. Pas mbledhjes së qeverisë, Haradinaj tha se taksa 100 për qind ndaj mallrave serbe, nuk paraqet pengesë për vazhdimin e dialogut. Sipas tij, pengesa qëndron në mungesën e gatishmërisë së Serbisë për të njohur Kosovën. Kryeministri Haradinaj, tha se sa i përket Kosovës, Samiti i Parisit mund të mbahet, por para së gjithash... Читать дальше...

Anëtarësimi në Aleancën Veriore-Atlantike, NATO, sipas përfaqësueseve të institucioneve mbetet një nga synimet kryesore të Kosovës. Derisa vendi po përgatitet për shënimin e 20-vjetorit të hyrjes së trupave të NATO-s në Kosovë, institucionet vendore po i shtojnë angazhimet që Forca e Sigurisë së Kosovës e cila është në fazën e transformimit në ushtri, të ngritet në kapacitete dhe standarde që do të jenë në përputhje dhe ndërveprim të plotë me NATO-n. Admirali James Foggo, komandant i Komandës... Читать дальше...

Gjashtë vetë vdiqën pasi zjarri përfshiu një spital psikiatrik në qytetin Odesa të Ukrainës, thanë autoritetet. Pesë persona u shtruan në spital si pasojë e helmimit me monoksid karboni, njoftoi Shërbimi Emergjent i Ukrainës. Sipas gazetarit të Radios Evropa e Lirë, të vdekurit përfshijnë një infermiere dhe pesë pacientë. Shkaku i zjarrit nuk është ende i qartë. Policia hapi një hetim penal për shkelje të mundshme të legjislacionit të sigurisë. Presidenti i Ukrainës, Volodymyr Zelenskiy... Читать дальше...

Greqia do të mbajë zgjedhje në korrik, pasi presidenti i këtij vendi, Prokopis Pavlopoulos, e miratoi kërkesën e kryeministrit Alexis Tsipras për zgjedhje të parakohshme. Zgjedhjet pritet të zhvillohen më 7 korrik. Njoftimi vjen vetëm pak javë pasi Partia Syriza e Tsiprasit pësoi humbje shkatërruese në zgjedhjet evropiane dhe lokale. Tsipras më herët ka premtuar zgjedhje kombëtare në fund të mandatit të tij në tetor, por pas një diference prej 9% midis Partisë Syriza dhe partisë konservatore... Читать дальше...

Një organizatë joqeveritare e Koresë së Jugut tha se ka identifikuar 318 lokacione në Korenë e Veriut që janë përdorur nga qeveria për të kryer ekzekutime publike. Grupi Punues i Drejtësisë Tranzicionale tha se për raportin e tij intervistoi 610 të dezertuar nga Koreja e Veriut, për rreth katër vjet. Ai dokumentoi dekada të vrasjeve për shkelje të ndryshme, që varionin nga vjedhja e një lope deri të shikimi i televizionit të Koresë së Jugut. Ekzekutimet publike u zhvilluan pranë lumenjve, fushave... Читать дальше...

Ekipet e shpëtimit nisën operacionin për të nxjerrë një anije turistike që u përmbyt në lumin Danub në Budapest, muajin e kaluar. Anija Mermaid transportonte turistë të Koresë së Jugut kur u përplas me një anije lundrimi dhe u fundos, duke shkaktuar vdekjen e 20 njerëzve.  Tetë të tjerë vazhdojnë të mbeten të zhdukur. Përpara se Mermaid të nxirret plotësisht, zhytësit do të hyjnë në anije për të parë nëse ka trupa të bllokuar brenda, thanë zyrtarët. Përpjekjet e shpëtimit u penguan ditëve të fundit nga nivelet e larta të ujit... Читать дальше...