Новости за 26.10.2020

Në mënyrë të qartë Moska është e pakënaqur me përpjekjen e presidentit të Serbisë, Aleksandar Vuçiq për të zbehur ndikimin e Rusisë në qeverinë e re në Beograd, thotë për Radion Evropa e Lirë, analisti politik, Cvijetin Millivojeviq. Partia Socialiste e Serbisë (SPS), e themeluar më 1990, që nga koha e udhëheqësit të saj të parë Sllobodan Millosheviq, ka pasur orientim pro-rus dhe për herë të parë tash është dëbuar nga pozicionet e larta në qeveri. Në 12 vjetët e kaluara dhe në pesë mandate qeveritare... Читать дальше...

Drejtori i përgjithshëm i Organizatës Botërore të Shëndetësisë, Tedros Adhanom Ghebreyesus, tha se braktisja e përpjekjeve për të kontrolluar pandeminë e koronavirusit - siç është sugjeruar nga një zyrtar i lartë amerikan - “është e rrezikshme”. “Ne nuk duhet të dorëzohemi”, tha Tedros në një adresim virtual. Ai pranoi se pas disa muajsh lufte me koronavirusin e ri, i cili ka marrë më shumë se 1.1 milion jetë njerëzish në gjithë botën, ka një nivel të caktuar të “lodhjes pandemike”. “Lodhja është e vërtetë... Читать дальше...

Mijëra njerëz i bllokuan rrugët në Poloni, për të pestën ditë radhazi, për të kundërshtuar ndalimin pothuajse të plotë të abortit. Në kryeqytetin e Varshavës, protestuesit i bllokuan kryqëzimet kryesore, duke i ndaluar makinat dhe tramvajet për rreth një orë. Disa prej tyre mbanin pankarta me mbishkrimin: “Unë do të doja ta abortoja qeverinë time”. Protestat konsiderohen të pazakonta në një vend ku Kisha Katolike Romake ka ndikim të madh. Ato pasojnë vendimin e Gjykatës Kushtetuese të Polonisë... Читать дальше...

Kryeministri i Kosovës, Avdullah Hoti, takoi të hënën ambasadorët e vendeve të QUINT-it dhe përfaqësuesin e posaçëm të Bashkimit Evropian në Kosovë, me të cilët diskutoi për bashkëpunimin në fushën e sundimit të ligjit, me theks të veçantë në luftën kundër krimit të organizuar dhe korrupsionit, njofton Qeveria e Kosovës. Sipas komunikatës së lëshuar për media, Hoti u shpreh i vendosur “për të fuqizuar luftën kundër krimit dhe korrupsionit”, si dhe shprehu “gatishmërinë e tij për të punuar së bashku... Читать дальше...

Katër fëmijë dhe një grua do të kthehen në Shqipëri nga kampi al-Hol i Sirisë, ku kanë qëndruar për rreth dy vjet. Lajmin e bëri të ditur kryeministri i Shqipërisë, Edi Rama, i cili vetë do të niset për në Liban, për të marrë pjesë në riatdhesimin e tyre. “Operacioni është ndarë në dy faza, pasi janë zhvilluar negociata të pafundme sekrete. Në këtë fazë të parë, që është në zbatim tani që flasim, shpresojmë që me ndihmën e Zotit të kthejmë katër fëmijë dhe një nënë të plagosur, në kushte shëndetësore të vështira. Читать дальше...

Australia njoftoi të hënën se qyteti i saj i dytë më i madh, Melburni, do të dalë nga izolimi për shkak të koronavirusit, pas gati katër muajsh. Kryeministri i shtetit Viktoria, Daniel Andrews, tha se nga mesnata e 27 tetorit, të gjitha dyqanet, restorantet, kafenetë dhe baret do të lejohen të hapen, pasi, të hënën, nuk u regjistrua asnjë rast i ri apo viktimë me koronavirus. Nga 9 nëntori, ndërkaq, banorët e Melburnit nuk do të kufizohen më të udhëtojnë vetëm brenda 25 kilometrave nga shtëpitë e tyre. Читать дальше...

Dhjetëra-mijëra persona kanë protestuar në Bjellorusi pasi opozita bëri thirrje për një grevë të përgjithshme në të gjithë vendin më 26 tetor si presion ndaj Alyaksandr Lukashenkas, për të dhënë dorëheqje. Kjo thirrje u bë një ditë pasi policia përdori gaz lotsjellës dhe plumba gome kundër mijëra protestuesve në kryeqytetin, Minsk dhe qytete të tjera anembanë Bjellorusisë. Të paktën 280 persona u arrestuan. (Përgatiti: Arben Hoti)

Rritja e numrit të viktimave nga sëmundja COVID-19, ka alarmuar Ministrinë e Shëndetësisë së Maqedonisë së Veriut, e cila ka kërkuar nga kuvendi miratimin me urgjencë të ligjit për mbrojtjen e popullsisë nga sëmundjet ngjitëse. Maqedonia e Veriut, bazuar në raportin e Institutit të Shëndetit Publik, të dielën, ka regjistruar 22 viktima duke e çuar në 913 numrin e përgjithshëm të të vdekurve nga COVID-19, sëmundja që e shkakton koronavirusi i ri. Me propozim-ligjin e hartuar nga qeveria e që duhet të miratohet në kuvend... Читать дальше...

Presidenti i Turqisë, Recep Tayyip Erdogan, u bëri thirrje turqve që të mos blejnë kurrë mallra franceze, ndërsa kërkoi nga udhëheqësit e Bashkimit Evropian që ta ndalin agjendën "anti-islamike" të presidentit të Francës, Emmanuel Macron. Erdogan ka thënë të shtunën se Macron ka problem me myslimanët dhe se ka nevojë për kontrolle të shëndetit mendor. Deklarata ka bërë që Franca ta tërheqë ambasadorin e saj nga Ankaraja. “Njëjtë sikurse ata që thonë: ‘Mos blini mall të markave turke’ në Francë... Читать дальше...

Në Kosovë u konfirmuan të hënën edhe 205 raste të reja me koronavirus dhe tri viktima. Sipas njoftimit të Institutit Kombëtar të Shëndetësisë Publike, rastet e reja rezultuan nga testimi i 943 mostrave, ndërsa viktimat u shënuan në Pejë, Prizren dhe Gjakovë. Në njoftim po ashtu bëhet e ditur se në 24 orët e fundit, 62 pacientë janë shëruar nga koronavirusi. Me këto shifra, numri i përgjithshëm i të infektuarve me koronavirus në Kosovë arrin në 18,148, i viktimave në 666 dhe i të shëruarve në 15,150. Читать дальше...

Një person që ishte në arrati, i dyshuar për përfshirjen në transferimin e mbi 2 milionë eurove nga Thesari i Kosovës në një kompani private, është vetëdorëzuar tek autoritetet e rendit. Lajmin e konfirmoi për Radion Evropa e Lirë Policia e Kosovës,  e cila më vonë tha se, me vendim të prokurorit, të vetëdorëzuarit i është caktuar masa e ndalimit prej 48 orësh.  I vetëdorëzuari, me inicialet K.Sh, besohet se është pronar i kompanisë LDA Group, ku punonjësi i Thesarit të Kosovës, Labinot Gruda... Читать дальше...

Senati i Shteteve të Bashkuara voton sot për konfirmimin e gjyqtares së Gjykatës Supreme, Amy Coney Barrett, e nominuar nga presidenti Donald Trump. Senati, i dominuar nga republikanët, pritet ta konfirmojë Barrettin. Trump e ka nominuar atë për të zëvendësuar gjyqtaren liberale, Ruth Bader Ginsburg, e cila ka vdekur në muajin shtator. Demokratët e kanë kundërshtuar nominimin, i cili, sipas tyre, është bërë shumë pranë zgjedhjeve presidenciale të 3 nëntorit. Ata kanë thënë se nominimi duhet të bëhet nga fituesi i zgjedhjeve. Читать дальше...

Sllovenia njoftoi se do të shtrëngojë masat kundër përhapjes së koronavirusit të ri që e shkakton sëmundjen COVID-19.  Autoritetet do të ndalin udhëtimit midis komunave të vendit, njoftoi të hënën agjencia e lajmeve - STA. Masa do të jetë në fuqi në të gjithë vendin, nga e marta, për të paktën një javë, tha qeveria sllovene. Kjo masë do të shfuqizohet në zonat ku situata epidemiologjike do të përmirësohet. Masa shënon përpjekjen e fundit të qeverisë për të frenuar shkallën dramatike të përhapjes së koronavirusit. Читать дальше...

Dialogu i ndërmjetësuar nga Bashkimi Evropian për normalizimin e raporteve ndërmjet Kosovës dhe Serbisë është bllokuar sërish, pasi palët nuk po pajtohen për temën e Asociacionit të komunave me shumicë serbe. Takimi i fundit në nivel liderësh në Bruksel është mbajtur më 7 shtator, 3 ditë pas nënshkrimit të marrëveshjes së Uashingtonit. E fakti se kush do të jetë në udhëheqje të Shtëpisë së Bardhë në Uashington, pas zgjedhjeve presidenciale të 3 nëntorit, po shihet si përcaktues edhe për vazhdimin e dialogut Kosovë-Serbi. Читать дальше...

Një sulm ajror në një kamp trajnimi rebelësh në veriperëndim të Sirisë vrau më shumë se 50 luftëtarë të mbështetur nga Turqia dhe plagosi gati po aq, tha një zëdhënës i opozitës siriane dhe Vëzhguesi Sirian për të Drejtat e Njeriut. Sulmi ajror në pjesën veriperëndimore të provincës Idlib, enklava e fundit rebele në Siri, shënjestroi një kamp ushtarak të një prej grupeve më të mëdha të opozitës të mbështetur nga Turqia në Siri, tha Youssef Hammoud, një zëdhënës i grupeve. Vëzhguesi Sirian për... Читать дальше...

Këto janë disa nga fotografitë më të mira të javës së 43-të të vitit 2020. Për më shumë fotogaleri, klikoni KËTU.

Sekretari amerikan i Shtetit, Mike Pompeo, mbërriti në Nju Delhi të hënën, si pjesë e një turneu në katër vende aziatike. Diskutimet e Pompeos do të përqendrohen në "kërcënimet" e paraqitura nga Kina. Pompeo do të zhvillojë takime të nivelit të lartë, pas një rritjeje të tensioneve midis Indisë dhe Kinës. Dy demokracitë më të mëdha në botë pritet të nënshkruajnë një marrëveshje mbi bashkëpunimin në inteligjencës gjeo-hapësinore, duke hapur rrugën që Shtetet e Bashkuara të dërgojnë teknologji të sofistikuar të raketave, thanë zyrtarët. Читать дальше...

Armenia dhe Azerbajxhani akuzuan njëra-tjetrën për shkeljen e një armëpushimi të ri humanitar. Armëpushimi hyri në fuqi më 26 tetor. Ministria e Mbrojtjes e Armenisë tha se armëpushimi u shkel dy herë nga bombardimet e forcave azerbajxhanase. Kryeministri armen, Nikoll Pashinian, tha se pala armene "vazhdon të respektojë rreptësisht regjimin e armëpushimit". Por, Ministria e Mbrojtjes e Azerbajxhanit tha se forcat e saj gjithashtu po respektonin armëpushimin duke shtuar se forcat armene e "kishin shkelur atë". Читать дальше...

Franca u ka kërkuar vendeve të Lindjes së Mesme t'i japin fund thirrjeve për bojkot të mallrave të saj. Produktet franceze janë hequr nga disa dyqane në Kuvajt, Jordani dhe Katar, si protestë ndaj qëndrimeve të presidentit francez, Emmanuel Macron, i cili ka mbrojtur të drejtën për të publikuar karikaturat e Profetit Muhamed. Ministria e Jashtme franceze tha se thirrjet "e pabazuara" për bojkotin e mallrave po "shtyheshin nga një pakicë radikale". Ndërkohë, protesta janë zhvilluar në Libi, Siri dhe Rripin e Gazës, transmeton BBC. Читать дальше...

Qeveria e Çekisë do të jetë e detyruar të shtrëngojë masat kundër përhapjes së koronavirusit, pasi masat aktuale nuk e kanë ndalur rritjen e numrit të të infektuarve, tha kryeministri Andrej Babis, të dielën. Përkeqësim i situatës së pandemisë është shënuar në të gjithë Evropën, por Republika e Çekisë ka regjistruar rritjen më të mprehtë të numrit të të  infektuarve në javët e fundit. Qeveria të mërkurën urdhëroi shumicën e dyqaneve dhe shërbimeve të mbyllen dhe u përpoq të kufizonte lëvizjen vetëm në udhëtime thelbësore. Читать дальше...

Presidenti amerikan, Donald Trump, iu shmang pyetjes nëse nënpresidenti, Mike Pence, do të ndalojë aktivitetet e fushatës zgjedhore, pasi shefi i stafit dhe punonjës të tjerë në zyrën e tij dolën pozitivë për COVID-19. "Ju do të duhet ta pyesni atë", tha Trump ndërsa vizitoi një pemishte në Maine më 25 tetor. Pence gjithashtu vazhdoi me fushatën e tij të planifikuar më 25 tetor, duke bërë një paraqitje në Karolinën e Veriut ndërsa ai injoroi zyrtarët shëndetësorë të cilët thanë se ai nuk po respektonte... Читать дальше...

Opozita bjelloruse ka bërë thirrje për një grevë të përgjithshme në të gjithë vendin më 26 tetor si presion ndaj, Alyaksandr Lukashenkas, për të dhënë dorëheqje. Udhëheqësja e opozitës, Svyatlana Tsikhanouskaya, bëri thirrje që greva të vazhdojë pas goditjes së protestave në Minsk dhe qytete të tjera më 25 tetor. Gjatë ndërhyrjes, policia përdori gazlotsjellës dhe plumba gome kundër dhjetëra mijëra protestuesve në kryeqytetin, Minsk dhe qytete të tjera anembanë Bjellorusisë. Të paktën 280 persona u arrestuan. Читать дальше...

Spanja ka shpallur një gjendje të jashtëzakonshme kombëtare dhe ka vendosur masën e izolimit të përgjithshëm në përpjekje për të parandaluar përhapjen e koronavirusit të ri, që e shkakton sëmundjen COVID-19. Kryeministri spanjoll, Pedro Sanchez, tha se masa e izolimit do të vlejë nga ora 23:00 deri 06:00. Sipas masave, autoritetet lokale mund të ndalojnë udhëtimin midis rajoneve. Sanchez tha se ai do t'i kërkojë parlamentit të zgjasë afatin e rregullave të reja nga 15 ditë, në gjashtë muaj. Читать дальше...

Biznese të profileve të ndryshme operojnë në katër komunat e banuara me shumicë serbe në pjesën veriore të Kosovës (Mitrovicë e Veriut, Zveçan, Zubin Potok dhe Leposaviq), por në Administratën Tatimore të Kosovës (ATK), janë të regjistruara vetëm 981 biznese me gjithsej 1316 njësi aktive. Nga ky numër, tatim në ATK paguajnë vetëm 255 biznese. Nga muaji janar deri në muajin shtator të këtij viti, vlera e tatimeve të marra nga këto biznese, pa kontribute pensionale, është 663 mijë euro, thonë zyrtarë të administratës. Читать дальше...