Новости за 08.09.2023

Nancy Pelosi, ish-udhëheqësja e Dhomës së Përfaqësuesve në Kongresin amerikan, ka thënë se synon të garojë në zgjedhjet e nëntorit të vitit të ardhshëm. Pelosi, 83-vjeçare, ka fituar për herë të parë ulëse në distriktin e saj në San Francisko më 1987, dhe më pas ka shërbyer dy periudha në krye të Dhomës së Përfaqësuesve, më 2007-2011 dhe 2019-2023. Ajo i ka udhëhequr demokratët për dy dekada në këtë trup të Kongresit, ndërsa e ka humbur këtë pozitë vitin e kaluar pas fitores së republikanëve në Dhomën e Përfaqësuesve. Читать дальше...

Kryeministri grek, Kyriakos Mitsotakis është zotuar të premten se Qeveria e tij do të bëjë “gjithçka që mund të bëjë njeriu” për t’i ndihmuar rajonet e goditura nga përmbytjet, teksa e ka parë nga afër shkatërrimin në Karditsa. Një stuhi e fuqishme e ka goditur qendrën e Greqisë këtë javë, e përcjellë me shi të rrëmbyeshëm. Greqia është përballur me këtë situatë teksa ka qenë duke tentuar të rimëkëmbet nga sezoni i zjarreve të verës. Meteorologët kanë thënë se sasia e reshjeve këto ditë ka qenë e pashembullt ... Читать дальше...

Ministri i Kulturës, Rinisë dhe Sportit i Kosovës, Hajrullah Çeku, ka bërë të ditur se Kosova do të jetë shtet nikoqir i Lojërave Mesdhetare më 2030. “Përgëzime të gjitha palëve të përfshira në procesin e kandidimit. Së bashku, këtë rrugëtim transformativ do ta udhëheqim me shumë përkushtim dhe përgjegjësi”, ka thënë Çeku përmes një postimi në Facebook. Vendimi është marrë nga Asambleja e Përgjithshme e Komitetit Ndërkombëtar të Lojërave Mesdhetare (ICMG) në një takim të mbajtur në Heraklion të Greqisë. Читать дальше...

Askush nga institucionet e Kosovës nuk ka sqaruar ende nëse NATO-ja dhe misioni i saj paqeruajtës në Kosovë, KFOR, kanë eventualisht ndonjë kërkesë të re në lidhje me dërgimin e policisë speciale të Kosovës në veri - zonë e banuar me shumicë serbe. Dilema nëse kjo polici duhet të marrë miratimin e KFOR-it për dislokim atje, është ngritur një ditë më parë, pas një deklarate të sekretarit të përgjithshëm të NATO-s, Jens Stoltenberg. Duke iu referuar një dokumenti të vitit 2013, në të cilin Qeveria... Читать дальше...

Programi Botëror i Ushqimit (PBU) i Organizatës së Kombeve të Bashkuara (OKB) ka reduktuar ndihmat ushqimore për 2 milionë afganë të tjerë këtë muaj, dhe ka paralajmëruar për një dimër “katastrofik” nëse fondet harxhohen dhe komunitetet e largëta mbeten me pak ushqime. Teksa ndihmat po zvogëlohen dhe të ardhurat e tij po bien, një baba brengoset për ushqyerjen e pesë fëmijëve të tij. (Përgatiti: Trim Haliti)

Organizata ndërkombëtare për të drejta të njeriut Human Rights Watch (HRW) ka thënë se autoritetet e talibanëve në Afganistan janë duke kryer krim kundër njerëzimit kur është fjala për trajtim të grave dhe ka bërë thirrje për hetime ndërkombëtare për të mundësuar llogaridhënie. Prej rrëzimit të Qeverisë afgane, të përkrahur nga Perëndimi, dhe marrjes së pushtetit në gusht të vitit 2021, talibanët kanë vendosur kufizime në paraqitjen fizike të grave, lirinë e lëvizjes, të drejtën për të punuar apo studiuar dhe qasjen në aktivitete tjera. Читать дальше...

Presidenti i Serbisë, Aleksandar Vuçiq, deklaroi më 8 shtator se nuk ka kurrfarë diskutimesh lidhur me atë që serbët në veri të Kosovës “t’ua lëshojnë ndërtesat dhe pronat atyre të cilëve ato nuk iu përkisnin kurrë”. Ai i bëri këto deklarata në ditën kur skadon afati për largimin e katër institucioneve të Serbisë nga një ndërtesë komunale në Mitrovicë të Veriut. “Ne kemi treguar vullnet të mirë, kemi biseduar me përfaqësuesit e serbëve që të pranojnë dialogun për mbajtjen e zgjedhjeve në veri”, tha Vuçiq. Читать дальше...

Reuters Gjatë vitit të fundit, Koreja e Veriut ka punuar për të forcuar marinën e saj me armë të reja bërthamore, përfshirë dronë nënujorë, luftanije, ndërkaq më 7 shtator lansoi nëndetësen e saj të parë me raketa operacionale. Historikisht, marina e Koresë së Veriut ka qenë më e dobët sesa forcat tokësore të shtetit dhe ka qenë nën hijen e programit të avancuar të raketave balistike. Tani, lideri verikorean Kim Jong Un, tha se marina do të luajë rol kyç në parandalimin bërthamor dhe analistët... Читать дальше...

Përdhosja publike e Kuranit në Suedi ka ndikuar keq në imazhin e këtij vendi jashtë, ka acaruar marrëdhëniet e tij diplomatike dhe ka rritur rrezikun e terrorizmit. Me tensione të ngjashme është duke u përballur edhe Danimarka.

Hong Kongu është vërshuar pas reshjeve më të mëdha të shiut për pothuajse 140 vjet, duke përmbytur rrugët e qytetit e disa stacione të metrove dhe duke detyruar mbylljen e disa shkollave. Autoritetet në qendrën e teknologjisë kineze në Shenzhen, regjistruan reshjet më të mëdha të shiut që kur nisi regjistrimi i tyre më 1952. Ndryshimet klimatike kanë intensifikuar stuhitë tropikale, kanë thënë ekspertët, duke shkaktuar shira dhe erëra më të fuqishme që po shkaktojnë dëme të mëdha. Reshjet... Читать дальше...

Maqedonia e Veriut shënon 32-vjetorin e pavarësisë nga ish-Jugosllavia, përderisa Shtetet e Bashkuara thanë se Shkupi ka bërë hapa të mëdhenj për të siguruar prosperitet për qytetarët. Pavarësisë së Maqedonisë së Veriut i parapriu një referendum që u organizua më 8 shtator të vitit 1991, në të cilin mbi 95 për qind e votuesve u deklaruan për shtet të pavarur dhe sovran. Referendumi u bojkotua nga popullata shqiptare e cila kërkonte të jetë e barabartë në shtetin e ri, pasi sipas tyre “Maqedonia... Читать дальше...

Ka muaj prej se policia e Kosovës dhe ajo e Serbisë shikojnë nga largësia një aktivitet që zhvillohet në zonën neutrale në vijën kufitare Kamenicë - Bujanoc. Së paku shtatë biznese që organizojnë lojëra të fatit, janë ndërtuar në 12 muajt e fundit në atë që njihet si territor neutral në mes të dy fshatrave - Karaçevës në anën e Kosovës dhe Breznicës në anën e Serbisë. Sipas banorëve të zonës dhe zyrtarëve të Komunës së Kamenicës dhe asaj të Bujanocit, këto objekte të lojërave të fatit janë ndërtuar në zonë neutrale... Читать дальше...

Koreja e Veriut pretendoi se nëndetësja e saj e re ka aftësi për të kryer sulme bërthamore. Kjo nëndetëse është zhvilluar prej vitesh dhe sipas liderit verikorean, Kim Jong Un, ajo është thelbësore për përpjekjet e tij për të krijuar anije me aftësi bërthamore për të kundërshtuar Shtetet e Bashkuara dhe aleatët e tij aziatikë. Agjencia verikoreane e lajmeve, KCNA, tha se anija, e emërtuar “Hero Kim Kun Ok”, është dizajnuar të lëshojë armë taktike bërthamore nga uji, por specifikoi se sa raketa mund të bartë dhe të lëshojë. Читать дальше...

Autoritetet në Kosovë kanë paralajmëruar se deri më 8 shtator, katër institucione serbe duhet të largohen nga një objekt në Lagjen e Boshnjakëve, pasi kanë argumentuar se i përket komunës së Mitrovicës së Veriut. Zëvendësdrejtori i Policisë së Kosovës për Rajonin e Veriut, Veton Elshani, tha për Radion Evropa e Lirë se “deri më tani nuk kemi asnjë kërkesë” nga komuna për të asistuar në largimin e këtyre institucioneve nga ky objekt. Megjithatë, ai shtoi se policia është e gatshme të kryejë detyrat... Читать дальше...