Новости за 06.08.2024

Me duartrokitje, fishekzjarrë dhe fjalët më të mira, janë pritur sportistët olimpikë të martën në Kosovë, të cilët kanë përfaqësuar vendin në Lojërat Olimpike Verore, që këtë vit po mbahen në Paris. Xhudistet, Distria Krasniqi dhe Laura Fazliu kanë arritur t’ia sigurojnë Kosovës dhe dy medalje olimpike, duke çuar shifrën totale në pesë sosh.

Autoritetet e Kosovës nuk e kanë konfirmuar nëse çështja e funksionimit të Postës së Serbisë në Kosovë mund të diskutohet në të ardhmen në dialogun me Serbinë, të ndërmjetësuar nga Bashkimi Evropian, ndonëse këtë e ka kërkuar BE-ja.

Disa qytetarë serbë të pjesës veriore të Kosovës kanë mendime të ndryshme për mbylljen e objekteve të Postës së Serbisë në veri. Ka nga ata që nuk e shohin shumë problematike mbylljen e tyre, e të tjerë thonë se do të përballen më shumë me problemin e kryerjes së pagesave dhe pranimit të pagave dhe pensioneve nga Serbia. Ka të tillë që besojnë se veprimet e institucioneve kosovare në veri, po bëhen me marrëveshje ndërmjet Prishtinës dhe Beogradit.

Pjesëtarët e komunitetit serb në katër komuna në veri të Kosovës nuk kanë mundur të përdorin shërbimet postare dhe financiare të Postës së Serbisë që nga 5 gushti, për shkak se nëntë degë të kësaj kompanie në Mitrovicën e Veriut, Zveçan, Leposaviq dhe Zubin Potok janë mbyllur.

Britania u trondit nga dhuna javën e kaluar, teksa turmat brohoritën slogane kundër emigrantëve dhe islamofobike dhe u përleshën me policinë.

Gjashtë ngjyrat e Lojërave Olimpike - e kaltra, e verdha, e zeza, e gjelbra dhe e kuqja nga pesë rrathët mbi një sfond të bardhë - janë shpërndarë nëpër monumentet e famshme botërore dhe rrugët elegante të Parisit, ndërsa ethet olimpike kanë pushtuar kryeqytetin francez.

Alsu Kurmasheva, gazetare e Radios Evropa e Lirë dhe nënë e dy fëmijëve, është ribashkuar me familjen e saj, afër Uashingtonit, pasi u lirua në një shkëmbim historik të burgosurish, pas nëntë muajsh burgimi në Rusi. Ajo ishte dënuar me 6 vjet e gjysmë burgim, mbi akuzën e përhapjes së të pavërtetave për ushtrinë ruse, e cila është hedhur poshtë nga punëdhënësi i saj. E shoqëruar nga bashkëshorti i saj, Pavel Butorin, Kurmasheva, 47 vjeçe, foli për Radion Evropa e Lirë më 5 gusht, nga Teksasi, rreth riambientimit me lirinë... Читать дальше...

Ish-diplomati kosovar, Lulzim Peci, aktualisht drejtor i KIPRED-it, thotë se veprimet e fundit të autoriteteve të Kosovës në veri të vendit, janë duke thelluar çarjen mes Kosovës dhe bashkësisë ndërkombëtare, sepse ajo ka para vetes një partner “i cili është i paparashikueshëm”.

Pas një periudhe prej gati 10 muajsh në kaosin e sistemit rus të burgimit, rinisja e jetës si një grua e lirë për Alsu Kurmashevan duket kështu: ujë i pastër për pije; një shtrat i rehatshëm; shëtitje të gjata, pa mbikëqyrjen e rojeve të burgut, në fshatrat e Teksasit. Dhe avokado.