Новости за 09.02.2025

Gjatë fushatës zgjedhore, katër kandidatët për kryeministër kanë folur për mundësinë e lidhjes së koalicioneve paszgjedhore. Disa prej tyre kanë mohuar mundësinë e koaliconit me partinë në pushtet, Lëvizja Vetëvendosje e të tjerë nuk kanë përjashtuar, mundësinë e koalicioneve.

Edhe pse çdo pemë ulliri më e vjetër se 100 vjet në Mal të Zi mbrohet me ligj, në qytetin e Tivarit është planifikuar që në një ullishte të lashtë, të ndërtohet një objekt banimi dhe tregtar. Qytetarët protestojnë, por ekskavatorët vazhdojnë të shkulin ullinj pa kontroll. (Përgatitën: Valona Tela dhe Ekrem Fazliu)

Me përfundimin e zgjedhjeve të 9 shkurtit pason konstituimi i Kuvendit të Kosovës. Të zgjedhurit e rinj për Kuvendin e Kosovës do të kenë përgjegjësinë për zgjedhjen e Qeverisë së re. Në këtë video mund të kuptoni hapat proceduralë deri në formimin e Qeverisë së re. (Narracioni: Uridije Lajçi)

Pjesëmarrja e votuesve në zgjedhjet parlamentare 2025 në Kosovë.

Komisioni Qendror i Zgjedhjeve në Kosovë njoftoi se pjesëmarrja e votuesve në zgjedhjet parlamentare të 9 shkurtit, deri në orën 15:00, ishte 28.32 për qind. "Në 91.20 për qind të vendvotimeve, deri në orën 15:00 kanë votuar 28.32 për qind, apo 558.246 votues nga 1.970.944”, tha zëdhënësi Valmir Elezi në një konferencë për media. Krahasuar me zgjedhjet e vitit 2021, pjesëmarrja deri në këtë orë ishte më e ulët, sipas tij, pasi para katër vjetësh kjo përqindje ishte 32.32. Elezi, po ashtu, bëri... Читать дальше...

Koalicioni i organizatave joqeveritare, Demokracia në Veprim, ka raportuar për disa probleme gjatë procesit të votimit për zgjedhjet parlamentare. Eugen Cakolli nga DnV tha se votuesit kanë deklaruar se ngjyra matrikuluese po fshihet lehtësisht nga gishtërinjtë e tyre dhe kjo çështje sipas tij mund t’i japë rrugë votimit të dyfishtë. Një gjë e tillë, sipas Cakollit, “do minonte besimin e publikut, por edhe integritetin zgjedhor”. Në konferencën për media, Cakolli tha se ka disa mekanizma që sigurohet që votuesit të mos votojnë dy herë... Читать дальше...

Pa shumë telashe ka nisur procesi i votimit për zgjedhjet parlamentare të 9 shkurtit në Kosovë. Qytetarët kanë votuar qysh në hapje të vendvotimeve dhe disa prej tyre kanë ndarë me Radion Evropa e Lirë pritjet që kanë nga këto zgjedhje. Këto zgjedhje janë të parat të rregullta që nga shpallja e pavarësisë së Kosovës në vitin 2008.

Në zgjedhjet parlamentare të 9 shkurtit në Kosovë marrin pjesë gjashtë subjekte politike që përfaqësojnë komunitetin serb: Lista Serbe, Lëvizja Popullore Serbe, Demokracia Serbe, Partia e Serbëve të Kosovës për Liri, Drejtësi dhe Mbijetesë, si dhe Iniciativa Qytetare Drejtësia Popullore. Megjithatë, Beogradi zyrtar mbështet vetëm një opsion, ndërsa Komisariati për Refugjatë i Republikës së Serbisë është angazhuar në "mobilizimin" e personave të zhvendosur për të votuar në zgjedhjet në Kosovë, duke ua siguruar  transportin.

Qytetarët e Kosovës me të drejtë vote sot u janë drejtuar kutive të votimit që nga mëngjesi kur në orën  07:00 u hapën qendrat e votimit për zgjedhjet parlamentare - të parat të rregullta që nga shpallja e pavarësisë më 2008.

Katër kandidatët për kryeministër të Kosovës u kanë bërë thirrje qytetarëve që të votojnë në zgjedhjet parlamentare, në mënyrë që të vendosin se kush do të udhëheqë në katër vjetët e ardhshëm. Kandidati i Lëvizjes Vetëvendosje, Albin Kurti, votoi në Fakultetin Ekonomik dhe u tha qytetarëve që të votojnë në mënyrë që zëri i tyre të dëgjohet. “Përdoreni shansin e lirisë për të vendosur për katër vjetët e ardhshëm”, tha Kurti. Bedri Hamza, kandidat i Partisë Demokratike të Kosovës, votoi në Mitrovicë të Jugut. Читать дальше...