Gjokoviq shpallet kampion i Australian Open edhe këtë vit
Tenisti serb Novak Gjokoviq, ka fituar çmimin e tij të nëntë në turneun Australian Open dhe të 18-in titull Grand Slam, pasi ka mposhtur tenistin rus, Daniil Medvedev me rezultat, 7-5, 6-2, 6-2.
Gjokoviq, 33-vjeçar, ka qenë më agresiv në setin e parë, në të cilin janë shkëmbyer vazhdimisht pikët.
Ky është trofeu i tretë me radhë për Gjokoviqin në turneun në Australi.
Medvedev, në anën tjetër, tenisti i katërt në botë momentalisht, ka tentuar që të fitojë titullin e tij të parë Grand Slam këtë të diel.
Një ditë më parë japonezja Naomi Osaka është shpallur kampione e këtij turneu në kategorinë e grave.
Në ndeshjen e 20 shkurtit, të përcjellë me erë të madhe dhe para një audience të kufizuar prej 7,500 personash – për shkak të pandemisë së koronavirusit – Osaka ka fituar me rezultat, 6-4, 6-3, në garë kundër amerikanes Jennifer Brady.