Новости за 21.02.2021

Gazetari dhe aktivisti për të drejtat e romëve në Holandë, Orhan Galushi, është kthyer të jetojë në qytetin e tij të lindjes, në Prizren. Ai thotë se është kthyer për të ndihmuar komunitetin e tij që të arsimohet dhe të integrohet në shoqërinë kosovare.

Turma të mëdha njerëzish janë parë në kryeqytetin e Mianmarit (Burmas), Nay Pyi Taw, për funeralin e një gruaje të re, e cila është vrarë në protestat kundër puçit ushtarak. Mya Thwe Thwe Khaing është qëlluar në kokë, pak para se të mbushte 20 vjet. Ajo është viktima e parë, nga tri në total, që ka vdekur në protesta. Mijëra persona kanë dalë nëpër rrugë për ta nderuar atë, duke ngritur lart tre gishta, siç shihen zakonisht protestuesit. Ushtria ka rrëzuar qeverinë e këtij vendi më herët gjatë këtij muaji. Читать дальше...

Izraeli, Danimarka dhe vendet e tjera janë duke nisur skemat e “pasaportave të vaksinave”, për t’i identifikuar njerëzit që janë vaksinuar kundër koronavirusit dhe për t'iu lejuar atyre liri më të madhe të lëvizjes. Por, një sistem ndërkombëtar për verifikime të tilla është ende larg dhe këto plane nxisin shqetësime mbi pabarazinë. (Përgatitën: Valona Tela, Ibrahim Berisha)

Instituti Kombëtar i Shëndetësisë Publike (IKSHPK), ka regjistruar të dielën 398 raste të reja me koronavirus, pas testimit të 2,996 mostrave në institucionet publike dhe ato private. Në 24 orët e fundit, ky Institut ka regjistruar një viktimë të diagnostikuar me sëmundjen COVID-19, që shkakton koronavirusi. Viktima është nga Drenasi, 39 vjeç. Në të njëjtën periudhë, këtë sëmundje e kanë mposhtur 228 persona, derisa raste aktive me koronavirus janë 6,639. Prej 13 marsit të vitit të kaluar... Читать дальше...

Maqedonia e Veriut ka vendosur që të furnizohet me 100 mijë vaksina ruse kundër koronavirusit, pas vendimit të mëhershëm për blerjen e 200 mijë vaksinave kineze. Kryeministri maqedonas Zoran Zaev ka njoftuar se u ka dhënë institucioneve udhëzimet për kontraktimin e marrëveshjes së furnizimit me vaksina “Sputnik V”. “Të shtunën mora informacion nga Ministri i Shëndetësisë Venko Filipce se ne kemi kapacitet, në përputhje me marrëveshjet e përfunduara dhe ato të paguara, të porosisim 100,000 doza... Читать дальше...

Organet e sigurisë në Maqedoninë e Veriut nuk kanë njohuri të mjaftueshme se si të veprojnë në rastet e denoncimit të dhunës ndaj grave, veçanërisht kur gratë janë viktima të abuzimit në rrjetet sociale, thonë nga organizatat që merren me të drejtat e njeriut. Nga këto organizata, problematike po vlerësohet edhe zgjatja e procesit të hetimit dhe dënimi i abuzuesve. Ndërkaq, nga Ministria e Punëve të Brendshme, thanë për Radion Evropa e Lirë se është rritur numri i denoncimeve, sa u përket abuzimeve me të dhënat personale në rrjetet sociale.

Aeroporti i ri i Berlinit, Berlin Brandenburg Airport (BER), pritet të mbyllë një terminal të hënën, pas rënies së madhe të trafikut të pasagjerëve, si pasojë e pandemisë së koronavirusit. “Ne do ta mbyllim terminalin për një vit, më pas do të vendosim sërish”, ka thënë zëdhënësi i aeroportit, Hannes Stefan Hoenemann. “Nëse gjërat shkojnë mirë, ne do ta hapim atë sërish”. BER është hapur në tetor të vitit të kaluar, afër aeroportit të vjetër Schoenefeld, i cili është funksionalizuar më 1976. Читать дальше...

Buxheti i Kosovës prej 2.4 miliardë eurove paraqet vështirësi në realizimin e zotimeve të Lëvizjes Vetëvendosje (LVV) në aspektin ekonomik dhe social, thotë për Radion Evropa e Lirë, Arian Zeka drejtor ekzekutiv në Odën Ekonomike Amerikane të Kosovës. Lëvizja Vetëvendosje ka fituar zgjedhjet e 14 shkurtit, të mbajtura në Kosovë. Megjithatë, sipas Zekës, nëse shteti arrin të luftojë ekonominë joformale, e cila llogaritet të jetë deri 30 për qind e Bruto Produktit Vendor në Kosovë, atëherë arka... Читать дальше...

Tenisti serb Novak Gjokoviq, ka fituar çmimin e tij të nëntë në turneun Australian Open dhe të 18-in titull Grand Slam, pasi ka mposhtur tenistin rus, Daniil Medvedev me rezultat, 7-5, 6-2, 6-2. Gjokoviq, 33-vjeçar, ka qenë më agresiv në setin e parë, në të cilin janë shkëmbyer vazhdimisht pikët. Ky është trofeu i tretë me radhë për Gjokoviqin në turneun në Australi. Medvedev, në anën tjetër, tenisti i katërt në botë momentalisht, ka tentuar që të fitojë titullin e tij të parë Grand Slam këtë të diel. Читать дальше...

Presidenti amerikan Joe Biden, ka vizituar të shtunën senatorin Bob Dole, ka njoftuar Shtëpia e Bardhë, pasi përfaqësuesi nga Kansas, i pensionuar tashmë, ka njoftuar se është diagnostikuar me kancer në mushkëri. Në njoftimin e Shtëpisë së Bardhë është thënë se të dy politikanët, kanë shërbyer bashkë në Senat dhe Dole “është mik i afërt” i presidentit Biden. Dole, i nominuar për president nga republikanët më 1996, ka qenë një prej republikanëve që kanë thënë zëshëm pas zgjedhjeve të 3 nëntorit të vitit 2020, se Biden ka fituar. Читать дальше...

Ministri i Jashtëm austriak Alexander Schallenberg pret që Bashkimi Evropian të miratojë sanksione të reja kundër Rusisë, për shkak të rastit të kritikut të Kremlinit, Aleksei Navalny, transmeton dpa. Një hap i tillë mund të merret kur të takohen ministrat e BE-së për Punë të Jashtme të hënën, ka thënë ai për të përditshmen gjermane, Welt am Sonntag. “Ne do të diskutojmë në Këshillin për Çështje të Jashtme veprimet e duhura për rastin e Navalnyt”, ka thënë Schallenberg. Aty do të mund të përfshihen... Читать дальше...

Vaksina e kompanive Pfizer/BioNTech është gati 99 për qind efektive për parandalimin e sëmurjes serioze apo vdekjes si pasojë e sëmundjes COVID-19, që shkaktohet nga koronavirusi, ka thënë Ministria e Shëndetësisë në Izrael, teksa ka ofruar disa të dhëna pas vaksinimit të një pjese të popullsisë. Izraeli është duke udhëhequr në botë, në garën për vaksinim pasi deri tani një dozë të vaksinës së Pfizer/BioNTech, ua ka dhënë gati gjysmës së popullsisë prej 9 milionë banorëve. Rreth 2.9 milionë banorë... Читать дальше...

Kontingjenti i parë i 150,000 dozave të vaksinës kundër koronavirusit, të kompanisë AstraZeneca, ka arritur në mëngjesin e së dielës në Serbi. Aeroplani me vaksina, që ka ateruar në Aeroportin e Beogradit “Nikolla Tesla”, është pritur nga presidenti serb, Aleksandar Vuçiq. Ai ka deklaruar se sigurimi i këtyre vaksinave është mundësuar nga bisedimet trepalëshe në mes të Serbisë, Britanisë së Madhe dhe Indisë, andaj në aeroport janë parë edhe përfaqësuesit e këtyre shteteve në Serbi, Sian McLeod dhe Vijay Kumar, respektivisht. Читать дальше...

Kosova nuk po arrin të mbikëqyrë apo të monitorojë raste të mundshme me variantin britanik të koronavirusit. Autoritetet shëndetësore në janar të këtij viti, kanë konfirmuar se varianti i ri është prezent në Kosovë. Sali Ahmeti, infektolog në Klinikën Infektive të Shërbimit Spitalor Klinik Universitar të Kosovës (SHSKUK), tha për Radion Evropa e Lirë se testime për rastet e tilla nuk po mund të bëhen në Kosovë. "Nuk po kemi mundësi që këtu te ne të testojmë në mënyrë rutinore për variantet e reja. Читать дальше...