Ҳалокати 4 нафар дар маросимҳои чоршанбесурӣ дар Эрон
![Ҳалокати 4 нафар дар маросимҳои чоршанбесурӣ дар Эрон](https://gdb.rferl.org/C387A9B7-CB34-455E-BAAF-9EA3868EDFFF_w800_h450.jpg)
Мақомҳои бахши тандурустӣ ва бемористонӣ дар Эрон эълом карданд, ки дар ҳодисаи муртабит ба маросимҳои ҷашни чаҳоршанбесурӣ, дар саросари он кишвар ҳадди ақал чаҳор нафар ба ҳалокат расида ва беш аз 2 ҳазор нафар низ осеб диданд. Ба гузориши хабаргузории расмии Эрон -ИРНА, мақомоти беҳдоштӣ гуфтаанд, "то ба ҳол ду ҳазору 82 нафар дар ҳодисаҳои муртабит бо чаҳоршанбесурӣ дар кишвар осеб дида ва ва чаҳор нафар низ то кунун дар ин ҳодисаҳо ҷони худро аз даст додаанд.
Ба гуфтаи мақомот, бештарин маҷрӯҳони маросими чаҳоршанбесурӣ мисли соли гузашта дар Теҳрон будааст. Дар ҳамин ҳол раиси пулиси шаҳри Теҳрон гуфтааст, омори осебдидагон нисбат ба соли гузашта камтар мебошад. Ба гузориши хабаргузории нимарасмии "Форс", раиси пулиси Теҳрон ҳамчунин аз боздошт 14 нафар ба далели "нақзи қонунҳо" дар маросими чаҳоршанбесурӣ хабар додааст.