Муовини Трамп: Покистон барои шикасти Толибон иқдом кунад
Майк Пенс, муовини раиси ҷумҳури Амрико, аз нахуствазири Покистон хостааст, ки барои шикасти Толибон бо Вашингтон ҳамкории наздик дошта бошанд.
Кохи Сафед рӯзи 17-уми март гуфт, Майк Пенс дар дидор бо Шоҳид Ҳоқон Аббосӣ хостааст, Покистон дар баробари шабакаи Ҳаққонӣ алайҳи Толибон ва гуруҳҳои дигари террористӣ дар он кишвар иқдом намояд.
Пенс, инчунин, гуфтааст, Исломобод дар ин маврид метавонад бо Амрико аз наздик кор кунад. Дар хабарнома ҷузъиёти бештар дода нашудааст, аз ҷумла маълум нест гуфтугӯҳо дар кадом фазо баргузор шудааст.
Дар баъзе аз гузоришҳо омадааст, нахуствазири Покистон бо сафари шахсӣ ба Вашингтон рафта, сипас, бо муовини раиси ҷумҳури Амрико дидор кардааст.