Заминларзае пойтахти Тоҷикистонро такон дод
![Заминларзае пойтахти Тоҷикистонро такон дод](https://gdb.rferl.org/E5E8735E-FF6D-4452-90C5-76C50672A775_w800_h450.jpg)
Шаби 25-уми март заминларзае шаҳри Душанберо такон дод. Бархе аз сокинони пойтахт ба Радиои Озодӣ гуфтанд, ки ин ҳодиса соати 3:19 дақиқа рух дод. Марказҳои зилзиланигории ҷаҳон мегӯянд, маркази ин заминларза Ҷурми вилояти Бадахшони Афғонистон будааст. Тоҷикистон дар яке аз минтақаҳои зилзилахези қораи Осиё ҷойгир аст. Ҳамасола дар кишвар садҳо заминларза сабт мешавад. Мақомоти Академияи илмҳои Тоҷикистон гуфтанд, дар як соли ахир дар қаламрави кишвар 26 ҳазор мавриди заминҷунбӣ сабт шудааст.