Пулиси Арманистон беш аз 20 эътирозгарро боздошт кард
То зуҳри рӯзи панҷшанбе аз боздошти 20 эътирозгар хабар пахш шуд.
Роҳбари мухолифин Никол Пашинян як рӯз пеш аз эътирозгарон хост, ки субҳи панҷшанбе дар назди бинои ҳукумат ҷамъ шаванд ва аз вуруди вазирон ба бино пешгирӣ кунанд. Нахустин ҷаласаи девони вазирон таҳти роҳбарии сарвазир Саргсян ба имрӯз барномарезӣ шудааст.
Пулиси Арманистон эътирозгаронро огоҳ кард, ки "бархе аз иншоот мавқеи вижа доранд" ва дар сурати ғайриқонунӣ ворид шудан ба биноҳо ё итоат накардан ба фармони мақомот, пулис "чораандешӣ" хоҳад кард.
Пашинян гуфт, ки пулис ҳақ надорад, зидди эътирозгарони осоишта аз+ силоҳ истифода кунад. Ӯ ба ҷонибдоронаш гуфт, ки тактикаро иваз мекунанд. Эътирозгарон акнун ҳаракатро манъ намекунанд, балки дар роҳҳо пиёда мераванд ва аз ронандагон хоҳиш мекунанд, ки бо нишони эътироз зидди Серж Саргсян "сигнал"-и мошинро баланд кунанд.