Арманстон: Интихоби нахуствазир 1 май баргузор мешавад
Рӯзи 25 апрел раиси Маҷлиси миллии Арамнистон Ара Баблоян гуфт, ки порлумон барои интихоби нахуствазири нав рӯзи 1 май ҷамъ мешавад. Дар ин бора сомонаи порлумон хабар додааст.
Рӯзи гузашта вазири умури хориҷии Арманистон Эдвард Налбандян барои музокирот вориди Маскав шуд. Дар ин бора як манбаи доираҳои дипломатӣ ба "Интерфакс" хабар дод. Маълум нест, ки Налбандян дақиқан бо кӣ мулоқот мекунад. Аммо ин манбаъ гуфт, ки музокирот ба бӯҳрони сиёсӣ дар Арманистон рабт дорад.
Ҳамзамон дафтари матбуоти иҷрокунандаи вазифаи муовини аввали нахуствазир Армен Геворкян хабар дод, ки ӯ рӯзи 26 апрел ба Маскав рафт. Маълум нест, ки Геворкян ва Налбандян якҷо ба мулоқот мераванд ё хайр.
Раҳбари эътирозҳои Арманистон, намояндаи мардуми дар порлумон Никол Пашинян, рӯзи панҷшанбе аз тарафдоронаш даъват кард, ки ба масдуд кардани кӯчаҳои Ереван хотима гузоранд. Пашинян ба зарурати ҳаракати бемамонияти нақлиёти шаҳр ва ҳифзи тартибот таъкид кард.