Сергей Скрипал аз бемористони Солсберӣ мураххас шуд
Сергей Скрипал ва духтари ӯ Юлия 4 март дар шаҳри Солсберӣ дар ҳоли беҳушӣ пайдо шуданд. Лондон мегӯяд, ки онҳоро бо гази фалаҷкунандаи асаб -"Новичок", ки дар Шӯравии собиқ тавлид мешуд, заҳролӯд карданд. Маскав даст доштанаш дар ин ҳамларо борҳо рад кардааст.
Суиқасд ба ҷони Скрипал бӯҳрони ҷиидеро дар равобити байни Лондон ва Маскав ба бор овард. Ба нишони ҳамдилӣ бо Британия, дастикам 30 давлат эълон карданд, ки сафирони русро аз қаламравҳои худ хориҷ мекунанд. Русия дар посух сафирони кишварҳои Ғарбро берун кард.
Намояндаи Вазорати умури хориҷии Русия Мария Захарова чанд давлат - Британия, Чехия, Словакия ва Шведсияро макони эҳтимолии тавлиди "Новичок" номбар кард. Президенти Чехия Милош Земан гуфт, ки заҳри А-230 - маводи марбут ба"Новичок", дар Чехия истеҳсол мешуд. Аммо хадамоти махсус ва ҳукумати ин кишвар иддаои президентро рад карданд.