Тахриби гимназияи шумораи 53 дар Душанбе оғоз шуд
Ба иттилои шаҳрдории Душанбе 30 майи соли 2018 Эмомалӣ Раҳмон ва Раиси шаҳри Душанбе Рустами Эмомалӣ бо тарҳи лоиҳаи “Бунёди бинои таълимӣ барои 2400 хонанда дар ҳудуди қитъаи замини Муассисаи давлатии Гимназияи рақами 53 ба номи Муҳаббат Маҳмудова” шинос шуда, барои оғози корҳои сохтмонӣ дар ду муассисаи таълимӣ ҳар кадоме бо 2400 ҷойи нишаст санги асос гузоштанд.
Муассисаи давлатии Гимназияи рақами 53 аз 6 бинои 4 - ошёна бо таҳхона ва 50 синфхона, аз ҷумла 4 синфхонаи лингафонӣ, 4 адад синфи компютерӣ, синфхонаҳои озмоишгоҳи физика, кимиё, ҷуғрофия, биология, синфҳои мусиқӣ, хореографӣ, нақшакашии техникӣ, тайёрии ҳарбӣ, таълими меҳнат, устохонаи коркарди матоъҳо, устохонаи умумии коркарди фулуз ва чӯб, толори варзишӣ бо 190 ҷойи нишаст иборат хоҳад шуд.