Вазири Олмон бинобар ихтилоф бо Меркел мехоҳад истъфо диҳад
Моҳи июн Зеерҳофер аз Меркел шадид шудани сиёсати муҳоҷират ва назорати бештар бар марзҳои Олмонро талаб кард. Ба гуфтаи Reuters, сарфи назар аз чораҳое, ки дар ҷаласаи ахир бо раҳбарони Иттиҳоди Аврпуо ҳамоҳанг шуд, раҳбари Иттиҳоди масеҳӣ ва сотсиалӣ роҳеро ба ҷуз берун кардани бахше аз муҳоҷирон аз Олмон намебинад. Садри аъзами Олмон Ангела Меркел ин пешниҳодро қабул надорад. Меркел ин дархостро хилофи меъёрҳои паноҳҷӯӣ дар Аврпуо ва беадолатӣ дар баробари кишварҳое мисли Италия ва Юнон медонад.
Ба гуфтаи Deutsche Welle, рӯзи дешанбеи 2 июл, Зееҳофер бо Меркел вориди музокирот мешавад, то ихтилофи назар оиди муҳоҷиратро лағв кунад. Натиҷаи ин нишаст ояндаи сиёсии Зееҳоферро муайян хоҳад кард.
Тасмими ин сиёсатмадор метавонад эътилофи ҳизбҳои Масеҳиву демократ ва Масеҳиву сотсиалиро, ки се моҳ пеш ба хотири аз байн бурдани бӯҳрони сиёсӣ дар Олмон таъсис ёфта буд, нобуд кунад.
Охири моҳи июн раҳбарони Иттиҳоди Аврупо чораҳои коҳиши ҷараёни паноҳандагонро ҳамоҳанг карданд. Аз ҷумла, Иттиҳоди Аврпуо барнома дорад, барои паноҳандагон дар шимоли Африқо урдугоҳ ва барои онҳое, ки арзиҳояшон дар баррасӣ қарор дорад, дар дохили Иттиҳод лагерҳои пӯшида бунёд кунад.