Пулиси Беларус як мардро барои гаравгон гирифтани духтараш парронд
Шуневич ба хабарнигорон гуфт, ки "гаравгон озод ва гаравгонгири эҳтимолӣ маҳв шуд".
Ин мард, ки аз ӯ танҳо Сергей.К ном мебаранд, сокини 46- солаи Заславе аст, ки ба гуфтаи мақомот дар гузашта барои содир кардани ду "ҷинояти ҷиддӣ" зиндонӣ шуда буд.
Кумитаи тафтишоти Балорус рӯзи 19 июл гуфт, ки гаравгони 23-сола духтари Серге.К аст ва онҳо якҷо ба банк ворид шуданд. Ба гуфтаи пулис, гаравгонгири эҳтимолӣ бо корд мусаллаҳ буд ва таҳдид мекард, ки агар дархосташ иҷро нашвад, занро мекушад.
Маълум нест, ки талаби ин мард аз чӣ иборат буд.
Ба гуфтаи вазири дохилӣ ва Кумитаи тафтишот, қабл аз оғози амалиёти махсус ва оташ кушодан ба сӯи ин мард, мақомот ду соат бо ӯ музокирот карданд.
Аз рӯи ин ҳодиса тафтиш оғоз шудааст.