ИМА ва Чин тарофаҳои зидди якдигарро бештар карданд
Тарофаи 25 дар садӣ, ки қаблан эълон шуда буд, ба иҷро даромад ва намояндагони ду кишар барои ҳалли баҳси тиҷоратӣ дар Вашингтон мулоқот карданд.
То ҳол ҳеҷ аломати пешрафт дар ҳалли даъвое, ки Амрико мегӯяд Чин текноложиҳоро ба яғмо мебарад ва рушди саноати Пекин тааҳуди ин кишварро бар баробари тиҷорати озод нақз мекунад, ба назар намерасад.
Тарофаҳои нав ба $16 миллиард маҳсулоти ҳар кадом тараф - бо шумули мошинҳо ва оҳанпора аз тарафи ИМА, техникаи саноатии сохти Чин ва ҷузъҳои электрониии инкишварро фаро мегирад.
Дар даври аввал, 16 июл, ИМА барои маҳсулоти содиротии Чин ба маблағи ба $34 миллиард, 25 дар сад тарофа ҷорӣ кард.
Чин низ ба ҳамин андоза содироти ИМА-ро муҷозот кард.
Пекин Вашингтонро ба нақзи қоидаҳои Созмони Ҷаҳонии Тиҷорат муттаҳам мекунад ва мегӯяд, ки онро дар додгоҳ ба чолиш мекашад.