Даъвати Зоран Заев барои тағйири номи Македония
Дар як мусоҳиба бо хабаргузории “Франс Пресс” ӯ аз мардум даъват кардааст, ки дар раъёпурсии рӯзи 30-уми сентябр ба тарафдории номи нави Македонияи Шимолӣ раъй бидиҳанд.
Мусоҳибаи ӯ рӯзи 16-уми сентябр нашр шуд. Македония баъди чанд даҳсола баҳс бо Юнон розӣ шуд, ки номи кишварро ба Македонияи Шимолӣ иваз кунад. Баҳси мазкур аз соли 1991 аз замони пош хӯрдани Югославия ва истиқлоли Македония шурӯъ шуд.
Юнон мухолифи номи Македония аст, чун мегӯяд, чунин номгузорӣ як навъ даъво барои қаламравҳои шимолии Юнон аст, ки айни номро дорад. Ба сабаби даъвои Юнон, Македонияро ба Созмони Милал бо номи муваққатии Ҷумҳурии Македония дар Югославияи Собиқ қабул карданд.
Мухолифони ҳукумати Зоран Заев ва аксаран миллатгароён дар кишвар намехоҳанд, ки номи Македонияи бештар аз 2 миллион нафарӣ иваз шавад.