Путин ба Нурмагомедов машварат дод, бо Макгрегор оштӣ кунад. ВИДЕО
Путин дар ин суҳбат ба ҷаҳиши варзишгари доғистонӣ аз болои панҷараи майдони муҳориба ва занозании баъди пирӯзии ӯ бар Конор Макрегор, варзишгари ирландӣ, ишора кард.
"Ин навъи варзиш тиҷоратӣ аст. Аммо, ба ҳар ҳол, варзиш аст. Ман бо онҳое розӣ ҳастам, ки фикр мекунанд дар ин навъи варзиш бояд қоидаҳои муайян риоя шавад. Ва на танҳо қоидаҳое, ки дар коғаз навишта шудаанд, балки қоидаҳои умумиварзишӣ ва ахлоқӣ”, - афзуд ӯ.
Ҳабиб Нурмагомедов дар навбати худ аз он таассуф хӯрд, ки ҳама фақат дар бораи ҷаҳиши ӯ аз болои панҷараи саҳнаи муҳориба суҳбат мекунанд. Ӯ гуфт, "ҳарчанд бад қувваозмоӣ накардам ва дар муқоиса бо бархӯрди ӯ ва беҳурматияш ба кишвар ва волидонам, рафтори хеле муносиб доштам. Баъзан ман ҳам натавонистам худро идора кунам. Барои онки дар ҷараёни бозӣ тавтеа идома дошт."
Путин сухани Ҳабиб Нурмагомедовро қабул кард ва гуфт, ки дар дохили кишвар ҳама узви як оила ҳастанд.
"Албатта, ҳама чиз иттифоқ меафтад. Дар оила ҳама чиз иттифоқ меафтад. Мо ҳаргиз ба худ иҷоза намедиҳем, ки аз чаҳорчӯб хориҷ шавем. Агар ба мо дарафтанд, нафақат ту, балки ҳамаи мо метавонем чунин ҷаҳиш кунем. Аммо беҳтар аст, ки кор то инҷо кашонда нашавад", - таъкид кард ӯ.
Раиси ҷумуҳури Русия изҳори умед кард, ки Ҳабиб Нурмагомедов ва Конор Макгрегор мусолиҳа мекунанд.