Романи Достоевский "Бародарон Карамазовҳо" дар Кувейт мамнӯъ шуд
Мақомоти Кувейт дастикам ҳазор китоб, бо шумули романи Достоевский "Бародарон Карамзовҳо"-ро ба рӯйхати адабиёти мамнуъ ворид карданд. Дар ин бора нашрияи The Guardian рӯзи 14 ноябр хабар дод.
Қарор буд ин китобҳо ба барномаи фестивали китоб шомил шаванд, аммо аз сензура нагузаштанд. Ба навиштаи The Guardian, дар панҷ соли ахир мақомоти Кувейт чаҳор ҳазор китоб, аз ҷумла "Калисои Нот Дам"-и Виктор Гюго ва "Сад соли танҳоӣ"-и Габриэл Гарсиа Маркесро ба рӯйхати адабиёти мамнӯъ шомил карданд.
Рӯйхатро Кумитаи вазорати иттиллооти Кувейт дар асососи қонуни соли 2006 тартиб медиҳад ва ҷазои маводи нашриётӣ ва журналистиро ҷорӣ мекунад. Нақзи ин қонун таҳқири Ислом, сохтори додгоҳии Кувейт, таҳдиди аманияти миллӣ ва ҳамчунин таҳрики бетартибӣ арзёбӣ мешавад.
Фаъолони маҳаллӣ то ҳол ду дафъа ба нишони эътироз алайҳи ташдиди сензура ба кӯчаҳои прйтахти Кувейт баромаданд.