Эътирозҳои зидди амалкарди Русия дар чанд шаҳри Украина
![Эътирозҳои зидди амалкарди Русия дар чанд шаҳри Украина](https://gdb.rferl.org/5B53FF2D-E0C7-47C9-BC39-C1A4A1E44873_w800_h450.jpg)
Дар вокуниш ба амалкарди Русия, ки се киштии низомии Украинаро дар Баҳри Сиёҳ ғасб кард, дар чанд шаҳри Украина амалҳои эътирозӣ сар шуданд.
Аз шоми дирӯз, баъди хабари ғасби киштиҳо, эътирозгарон дар назди сафорати Русия дар Киев ҷамъ шуданд. Онҳо бо худ борут, норинҷаки дудӣ ва шини автомошинаҳоро ба назди сафоратхона оварданд. Баъзеҳо "Марг ба Русия!" шиор медоданд. Маълум нест, ки он замон дипломатҳои рус дар сафорат буданд ё не.
Рӯзи душанбе намоишҳои эътирозӣ дар назди консулгарии Русия дар Лвов, Харков ва Одесса ҷараён гирифтанд. Тазоҳургарон аз Русяи талаб карданд, ки оҷилан киштиҳои Украинаро озод кунад.
Дар Киев тарафдорони созмони "Корпуси миллӣ" ҷамъ шуда аз мақомоти кишвари худ талаб карданд, ки ҳамагуна робитаро бо Русия қатъ кунанд. Баъдан миллатгароҳо ба назди бинои маъмурияти президент ва порлумон гузаштанд. Рӯзи душанбе порлумон дар посух ба амалкарди Русия бояд масъалаи дар кишвар ҷорӣ шудани ҳолати низомиро баррасӣ кунад.