Сайфулислом Қаззофӣ муддаии курсии президентии Либия аст
Вазорати хориҷаи Русия ин хабарро шарҳ намедиҳад. Манбаи Bloomberg гуфтааст, ки ҳанӯз Русия намедонад, ки кадом номзадро дар интихобот пуштибонӣ хоҳад кард.
Интихоботи президентии Либия, ки зери назари СММ ба оғози соли 2019 таъин шудааст, қарор буд аввал моҳи декабр барпо шавад. Мувофиқа бар сари тағйири мӯҳлати баргузории интихобот дар конфронси Палермо даст дод. Дар ин нишаст нахуствазири Русия Дмитрий Медведев ва сарфармондеҳи артиши Либия Халифа Хафтар ширкат карданд. Хафтар бо Маскав ҳамеша дар тамос аст ва яке аз муддаиёни асосии курсии президентӣ ба шумор меравад.
Сайфулислом соли 1972 дар Триполӣ таваллуд шуда, дар мактабҳои олии Либияву Швейсария таҳсил кардааст. Ӯ доктори улуми фалсафа мебошад. Охири солҳои 1990 – аввали 2000-ум ба ҷонибдории баргузории ислоҳоти либералӣ дар кишвар баромад кардаанд. Баъди суқут ёфтани режими падараш Муаммар Қаззофӣ дар соли 2011, раҳбарии гурӯҳи мухолифи ҳукумати муваққатиро ба ӯҳда гирифт, вале базудӣ боздошт шуд. Соли 2015 писари Қаззофиро ба марг маҳкум карданд, вале баъди як сол матбуот хабар дод, ки ӯ афв ва озод шуд. Соли 2018 Сайфулислом Қаззофӣ гуфт, ки номзади интихоботи президентии кишвар мешавад.