Кӯдаки 3-солае, ки аз сараш тир хӯрд даргузашт
31-уми декабр аз балкони хонаашон дар шаҳри Дарбанди Доғистон оташбозии солинавиро тамошо мекард, ки ба сараш тир расид. Хабаргузории “Кавказский узел” навиштааст, ки дар ин шаб касе дар кӯча аз аслиҳаи воқеӣ ба осмон тир андохтааст.
Барои ҷарроҳии кӯдак аз Маскав табиб бурдаанд, вале ба ӯ муяссар нашудааст, ки тирро аз сари кӯдак берун кунад. Тифли 3-сола соати 11 субҳи 5-уми январ ҷон додааст. Вазорати тандурустии Доғистон хабарро тасдиқ кард. Дар бораи таҳқиқи ҳодиса хабаре дар даст нест.