Новости за 27.12.2018

Як пурсиши солинавии маркази пурсиши афкори умуми “Z-alalytics Group” исми маъруфтарин овозхонҳои тоҷикро муайян кард. Бар асоси ин пурсиш, ки 27 декабр нашр шуд, Шабнами Сурайё бештар дар миёни ҷавонони 18 то 29-сола маъруфият доштааст. Нигина Амонқуловаро бештар сокинони аз 30-сола болои кишвар ба унвони овозхони маҳбуб  ёд кардаанд. Дар маҷмӯъ, дар миёни панҷ овозхони маҳбубтарини тоҷик исми Нигина Амонқулова, Шабнами Сурайё, Зиёвиддини Нурзод, Афзалшоҳи Шодӣ ва Зулайҳо Маҳмадшоева ёд шудааст. Читать дальше...

Намояндаи Маркази Шоҳ Салмон аз Арабистони Саудӣ гуфт, ки кумакҳои ин кишвар ба Тоҷикистон аз ангезаҳои сиёсӣ ва мазҳабӣ орӣ аст ва "сирф хусусияти башарӣ дорад".

Баъди се моҳи куштори журналист Ҷамол Хошуқҷӣ дар консулгарии Арабистони Саудӣ дар Истамбул ва вокунишҳои шадиди ҷомеаи ҷаҳонӣ ба ин куштор, шоҳ Салмон ба тағйироти густарда дар ҳукумат дастур дод. Тағйироти кадрӣ, ки рӯзи 27 декабр эълон шуд,  аз ҷумла ба вазири умури хориҷӣ, иттилоот, матбуот ва маориф дахл дорад.  Шоҳи Саудӣ ҳамчунин ба тағйирот дар ду Шӯрои олии салтанат - дар умури масоили иқтисодӣ ва амният дастур дод. Ин ду ниҳод таҳти назорати валиаҳди Саудӣ Муҳаммад бин Саломон қарор доштанд. Читать дальше...

Артиши Афғонистон мегӯяд, ки сухангӯи гурӯҳи тундрави "Давлати Исломӣ" дар натиҷаи ҳамлаи бесарнишин кушта шуд.  Дар изҳороти нерӯҳои Афғонистон, ки рӯзи 27 декабр пахш шуд, гуфта мешавад, ки Султон Азиз Аъзам як рӯзи пеш дар паноҳгоҳи ДИИШ дар яке аз ноҳияҳои вилояти шарқии Нангарҳор кушта шуд. Дар изҳорот омадааст, ки бар поияи маълумоти истихборотӣ ҳавопаймоҳои беном Султон Азиз Аъзам - сухагӯи ин гурӯҳи тундравро ҳадаф қарор дод. Насрат Раҳимӣ, муовини сухангӯи Вазорати дохилии Афғонистон гуфт... Читать дальше...

Ду кӯдаки тоҷик аз ноҳияи Абдураҳмони Ҷомии вилояти Хатлон дар натиҷаи сӯхторе дар Бошқирдистони Русия ҷон бохтаанд Мақомоти Тоҷикистон гуфтанд, ки ҳодиса рӯзи 25-уми декабр рух дода, ҷасади Амина Додова ва Амриннисо Додоваро дар Русия гӯронданд. Иброҳим Аҳмадӣ, сухангӯи намояндагии Вазорати меҳнат ва муҳоҷирати Тоҷикистон дар Русия, рӯзи 27-уми декабр хабар дод, ки Амина чаҳорсола ва Амриннисо ҳамагӣ дусола буд. "Онҳо дар сӯхтори хонаи истиқоматӣ дар рахти хобашон ба ҳалокат расидаанд", - афзуд ӯ. Читать дальше...

Аида Қосималиеваи 34-сола, собиқ хабарнигори бахши Қирғизии Радиои Озодӣ дар овоздиҳии пӯшида рӯзи 27 декабр муовини раиси парлумони Қирғизистон интихоб шуд. Ба пуштибонии Қосималиева дар овоздиҳӣ 91 вакил раъйи мусбат ва 16 нафар раъйи манфӣ додааст.   Интихоби муовини раиси парлумон баъди он сурат гирифт, ки рӯзи 14 декабр аъзои ҳизби Сотсиал-демократи Қирғизистон дар ҷаласаи пӯшидааш Асел Кодурановаро аз ин мақом барканор кард. Кодуранова дар мақоми муовини раиси маҷлис давоми як сол кор кардааст. Читать дальше...

Бинобар хатари таҳримҳои Ғарб, рубли ноустувор ва барномаи боло бурдани молиёт, Русия дар соли 2019 дар ростои коҳиши рушди иқтисод ва таварруми баланд қарор мегирад. Тавлиди нохолиси дохилӣ, ки соли гузашта 1,7 дар сад буд, соли оянда 1,4 хоҳад буд,- гуфт Reuters рӯзи 27 декабр бо такя ба назарсанҷии моҳона дар байни 17 коршиноси соҳаи иқтисод. "Соли оянда бисёр як соли мушкил хоҳад буд",- гуфт Reuters аз қавли Олег Кузмин - иқтисоддони аршади бонки сармоягузории Renaissance Сapital. Рушди иқтисоди Русия солҳои рӯ ба кундӣ овард... Читать дальше...

Кумитаи ҷавонон ва варзиши Тоҷикистон мегӯяд, бар асоси амри раисиҷумҳур Эмомалӣ Раҳмон ба 76 варзишгари беҳтарини соли 2018 аз ҳисоби Фонди захиравии Президент беш аз 931 ҳазор сомонӣ тақдим гардид

Думаи давлатии Русия мехоҳад муҳоҷиронро аз ҳаққи таксиронӣ маҳрум кунад, қурби рублирусӣ дар муқобили сомонӣ поинтар шудааст, соҳибкорони тоҷик аз андози зиёд шиква доранд ва матолиби дигар.

Русия қасд дорад, хориҷиҳо, аз ҷумла муҳоҷирони кории тоҷик, ки шаҳрвандӣ ва шиносномаи Русияро надоранд, аз ҳаққи рондани таксӣ дар саросари ин кишвар маҳрум кунад.  Тарҳи қонун дар Думаи давлатӣ дар ҳоли баррасист.

Вазорати дифои Тоҷикистон пешниҳоди Кумитаи забон ва истилоҳотро дар мавриди тарҷумаи рутбаҳои ҳарбӣ ба тоҷикӣ комилан рад кардааст. Қаблан Кумитаи забону истилоҳот пешниҳод карда буд, ки барои мисол, “полковник” “сарлашкар” ва “подполковник” “лашкарёр” тарҷума шавад.

Нуҷумшиноси маъруфи тоҷик мегӯяд, соли 2019, ки бар асоси тақвимҳои қадимӣ "соли хук" ном гирифтааст, "як соли хуб, бофайзу баракат ва босубот хоҳад буд".

Матбуоти Русия менависад, ки як мард дар шаҳри Хабаровски Шарқи Думи Русия худро бо норинҷак мунфаҷир ва се нафари дигарро захмӣ кард. Гузоришҳо бо такя ба мақомоти маҳаллӣ мегӯянд, ин мард, ки мехост  идораҳои воқеъ дар муҷтамаъи анборҳоро ғорат кунад, норинҷакро рӯзи 27 декабр тарконд. Биноба гузоришҳои матбуотӣ, ин мард дар ҷойи ҳодиса ҳалок шуд ва ду марду як зани дигар бо захмҳои барои зиндагӣ безарар ба бемористон интиқол ёфтанд. Ба гуфтаи мақомоти маҳаллӣ муфаттишон ҷойи ҳодисаро барои ҳаракат масдуд карданд. Читать дальше...

Додгоҳи Чин раҳбари пешини Идораи истихборот Ма Тзянро ба ҳабси абад маҳкум кард. Ҳукмро бар пояи парвандаи фасодкорӣ Додгоҳи шаҳри Далян содир намуд.  Ма Тзян аз соли 2006 то 2015 муовини вазири амнияти давлатии Чин буд. Ӯ ба идораи 8-уми вазорат раҳбарӣ мекард, ки масъулияти фаъолиятҳои истихборотиро бар дӯш дорад. Соли 2015 Ма Тзян ба ришваситонӣ ва фасодкорӣ муттаҳам шуд. Тзянро аз мақом барканор ва аз ҳизб хориҷ карданд. Ӯ ба гуноҳаш иқрор кард ва аз баррасии парвандааш дар додгоҳҳои болоӣ даст кашид. Читать дальше...

Шӯрои амнияти миллӣ ва мудофиаи Украина дар ҷаласаи рӯзи 26-уми декабр алайҳи чанде аз шахсони ҳуқуқӣ ва воқеии Русия таҳримҳои иловагӣ ҷорӣ кард. Тавре дар хабари Шӯро омадааст, маҳдудиятҳо ба "ширкатҳо, тоҷирон, сиёсатмадорон ва вакилон, кормандони мақомоти қудратии Русия, ки фаъолона аз амалҳои хушунатбори зидди Украина ҷонибдорӣ мекунанд" дахл доранд. Рӯйхати нав рӯзҳои наздик нашр хоҳад шуд. Ба иттилои мақомоти Украина, таҳримҳои нав ба 14 ширкат, ки корхонаҳои маҷмааи мудофиаву саноати... Читать дальше...

Вазирати умури дохилии Русия пешниҳод кард, ки ба хориҷиҳо ҳақи иқомати номаҳдуд дода шавад ва Русия аз таҷрибаи тамдиди он даст кашад. Маълумот дар бораи коркарди тарҳи ин қонун дар портали ягонаи санадҳои меъёри ҳуқуқӣ нашр шуд.  Ба гуфтаи вазорат, ин тарҳ механизми иқомати доимӣ дар Русияро осон мекунад. Аммо ҳамзамон дар санад бознигарии муносибат ба молиёт ва андозбандӣ пешниҳод шудааст.  Баррасии оммавии тарҳи қонун то 9 январи соли 2019 давом мекунад. Муҳлати эҳтимолии татбиқи он сентябри... Читать дальше...

Қурби рубли русӣ, ки муҳоҷирони тоҷик ҳосили заҳматҳои худро асосан бо ин асъор ба Тоҷикистон мефиристанд, дар баробари сомонӣ коҳиш ёфтааст.

Новобаста аз пешравиҳои футболи ҷавонони мо, ба бозигарон дар Тоҷикистон кумаки кифояи давлат ва рақобати дохилӣ намерасанд, то ки тими мунтахаби кишвар дар сатҳи байналмилалӣ баромад карда тавонад

Президенти ИМА Доналд Трамп эҳтимол моҳи январ санади манъи харидории таҷҳизоти чинии Huawei ва ZTE, аз тарафи ширкатҳои амрикоиро имзо мекунад. Дар ин бора хабаргузории Reuters рӯзи 27 декабр бо такя ба се манбаи шинос бо вазъият гузориш дод.  Дар санад ба Вазорати савдои ИМА дастур шудааст, ки ширкатҳои амрикоиро аз харидории таҷҳизоти хориҷии "хатарнок барои амнияти миллӣ" манъ кунад. Фармони Трамп бар пояи қонуни "Салоҳияҳои иқтисодӣ дар мавридҳои фавқулодда" содир мешавад, ки ба президент... Читать дальше...

Дар ҷомеаи Тоҷикистон алоқамандии сокинон ба сиёсат то рафт камтар мешавад ва дар бисёр маврид одамон намехоҳанд дар ин мавзӯъ сӯҳбат кунанд. Баъзеҳо метапрсанд, бархи дигар баҳсҳои сиёсиро як кори беҳуда мешуморанд.

Бозори бурси Ню Йорк афзоиши бошиддати шохиси Dow Jones-ро дар як рӯз, мушоҳида кард, ки дар таърих намуна надорад. Шохиси саноатии Dow Jones қариб то панҷ дар сад боло рафт.  Nasdaq ва S&P низ рӯзи чоршанбе чунин болоравиро таҷриба карданд. Фурӯши саҳмияҳо дар бозори бурси Токио низ якбора боло рафт.  Афзоиши қимати саҳмияҳои амрикоӣ баъди коҳиши як моҳи ахир ва уфти бошиддати онҳо пеш аз ҷашни Мавлуди Исои Масеҳ мушҳоида шуд. Барои намуна Dow Jones рӯзи 24 декабр қариб 3 дарсади арзишро аз даст дод. Читать дальше...

Се тан аз сиёсатмадорони қирғиз бо талаби $257 000 ҷуброни хисороти маънавӣ президенти пешини ин кишвар Алмосбек Отамбоев ва телевизиони "Апрел"-ро ба додгоҳ кашиданд. Сиёсатмадорон Азимбек Бекназаров, Аҳмадбек Келдибеков ва Кенешбек Дуйшобоев мегӯяд, ки президенти пешин дар сӯҳбаташ бо телевизиони "Апрел" ба обрӯи онҳо латма ворид кард. Мудири "Апрел" Дмитрий Ложников дар шабакаи иҷтимоии Facebook хабар дод, ки сиёсатмадорони қирғиз аз телевизион ва Отамбоев 18 миллион сом талаб доранд.  Раиси... Читать дальше...