Новости за 31.05.2019

Бахтибек Бердов, роҳбари ҷамъияти "Помир" дар шаҳри Санкт-Петербурги Русия ва вакили шӯрои мунитсипиалӣ аз ҳизби "Русияи воҳид" рӯзи 30-юми май дар 54-солагӣ даргузашт. Қарор аст, ӯро дар оромгоҳи мусалмонони Санкт-Петербург дафн кунанд. Бахтибек Бердов соли 1965 дар Вилояти Мухтори Кӯҳистони Бадахшон зода шуда, бештар бо лақаби "Бабек" маъруф буд. Вай солҳои 1984-1986 дар сафи нерӯҳои мусаллаҳи Шӯравии собиқ хидмат ва соли 2000 Донишгоҳи омӯзгории ба номи Гертсен ва баъдан Академияи хидмати давлатии ҳавзаи Шимолу Ғарбро хатм кардааст. Читать дальше...

Сафири Иттиҳодияи Аврупо дар Душанбе аз сафари Доналд Туск, раиси Шӯрои Аврупо ба Тоҷикистон натиҷагирӣ кард. Мерилен Йозефсон рӯзи 31-уми май дар нишасти матбуотӣ гуфт, ҳадафи асосии сафари Туск муаррифии Стратегияи нави Иттиҳоди Аврупо барои кишварҳои Осиёи Марказӣ будааст ва ба ин далел ин сафар бештар сиёсӣ унвон карда мешавад.

Тоҷикистон дар ҳоле аз рӯзи ҷаҳонии ҳифзи ҳуқуқи кӯдакон ҷашн мегирад, ки тибқи омори ахир беш аз 60 дарсади онҳо барои кумак ба хонавода кор мекунанд ва беш аз 80 дар сад намедонанд, чӣ ҳуқуқ доранд.

Натиҷагирӣ аз сафари Раиси Шӯрои Аврупо ба Тоҷикистон, баста шудани корхонаҳои зиёновари оҳангудозӣ дар Душанбе, болоравии эҳтимолии нархи сигор дар Тоҷикистон ва матолиби дигар.

Толибон масъулияти таркиши маргбори як мошини ҳомили бомбаро ба ӯҳда гирифтанд. Ин ҳодиса субҳи 31 май дар Кобул, пойтахти Афғонистон рух дод ва ин таркиши дуюми пурқурбонӣ дар давоми ду рӯзи ахир дар ин кишвар мебошад. Дар ин таркиш, ки дар маҳаллаи Яккатути Кобул рух дод, тибқи гузоришҳо 7 нафар куштаву захмӣ шуданд. Як шоҳиди ин таркиш ба хабаргузории Ройтерс гуфт, ки дар паи таркиши ногаҳонӣ ҳадди аққал як марди маҷрӯҳро ба бемористон интиқол додааст. Таркиш лаҳзаҳое рух дод, ки корвони низомии амрикоиҳо аз ин маҳалла убур мекард. Читать дальше...

Ким Чен Ин, раҳбари Кореяи Шимолӣ, фиристодаи хоси ин кишварро дар музокироти ҳастаӣ бо Амрико барои нокомӣ дар музокирот бо президент Доналд Трамп ба қатл маҳкум кардааст. Музокирот моҳи феврали имсол дар шаҳри Ҳаной баргузор шуда буд.

Вазирони хориҷаи Фаронсаву Олмон гуфтанд, ки ин кишварҳо хостори азсаргирии музокирот барои хатми низоъҳои мусаллаҳона дар Украина мебошанд. Вазири олмонӣ Ҳейко Маас ва ҳамкори фаронсавиаш Жан Ив Ле-Дриан рӯзи 30 май дар як нишасти матбуотӣ гуфтанд, ки дар Киев бо президенти нави Украина Владимир Зеленский як сӯҳбати фавқулодда хубе анҷом додаанд. Фаронсаву Олмон пуштибонҳои муҳими ҷараёни сулҳи Украина мавсум ба “созишномаи Минск” мебошанд, ки ҳадафаш пешбурди музокирот бо ҷудоиталабони рӯ ба Кремлин... Читать дальше...

Вазири хориҷаи ИМА Майк Помпео гуфт, ки Эрон дар оғози моҳи май ба хотири фишор овардан дар афзоиши нархи нафти хом ба киштиҳои нафткаши Имроти Муттаҳидаи Араб ҳамла кардааст.  Помпео ин нуктаро дар остонаи сафараш ба Аврупо рӯзи 30 май баён кард. Қабл аз ин мушовири амнияти миллии Кохи Сафед Ҷон Болтон гуфт, ки шаҳодати ҳамлаи эрониҳо ба нафткашонҳои Иморотро ҳафтаи оянда дар ихтиёри Шӯрои амнияти СММ қарор медиҳад. Ба савол дар бораи ин ки оё Помпео ин шаҳодатҳоро дидааст ё на,  ӯ гуфт: “Бале. Читать дальше...

Дар ноҳияи Саяти вилояти Лебапи Туркманистон кормандони мақомоти қудратӣ хона ба хона гашта, телефону симкорти сокинонеро тафтиш мекунанд, ки наздиконашон дар муҳоҷирати корӣ дар Туркия ҳастанд. "Кормандони пулис ва амният ба хонаҳо омада, мепурсанд, ки фарзанд ё наздиконатон дар Туркия чӣ кор мекунанд? Бо онҳо тамос мегиред? Чӣ қадар пул мефиристанд?" - гуфт як манбаъ аз Саят. Ба қавли ҳамсуҳбати мо, маъмурони ҳифзи ҳуқуқи туркман ҳатто телефону симкортҳои бархе аз сокинонро барои тафтиш бо худ бурдаанд ва ҳудуди 15 рӯз мешавад... Читать дальше...

Ду бошгоҳи футболи Англия - “Тоттенҳэм Хотспур” ва “Ливерпул” дар бозии ниҳоии Лигаи қаҳрамонҳои УЕФА, ки 1-уми июн дар Мадриди Испания баргузор мешавад, рақобат мекунад.

Чанде аз сокинони шаҳри Андиҷони Узбекистон гуфтан, ҳангоми сафари президент ба онҳо хонаҳои нав доданд, вале баъдан хостанд, ки ҷойро холӣ кунанд.

Ду бошгоҳи футболи Англия - “Тоттенҳэм Хотспур” ва “Ливерпул” дар бозии ниҳоии Лигаи қаҳрамонҳои УЕФА, ки 1-уми июн дар Мадриди Испания баргузор мешавад, рақобат мекунад. Мухлисони тоҷик дар ин навори видеоӣ назарҳои худро дар бораи ин бозӣ баён доштанд.

Радиои Озодӣ аз чанд раҳгузар дар Душанбе пурсид, ки дар Рамазон инсон чӣ гуна бояд хайр кунад. Шумо ҳам бубинед ва назаратонро ба ин шумора бифристед. Вотсапп, Вайбер, Телеграм ва ИМО + 420 724 053 959

Дар минтақаи Тогуз-Булаки ноҳияи Аравани Қирғизистон, ки бо Узбекистон ҳаммарз аст, рӯзи 31-уми  май тирпаронӣ сурат гирифт. Дар ин бора аз Хадамоти марзбонии Қирғизистон хабар доданд. Марзбонони Қирғизистон дар наздикии марз ду мошинеро бо рақамҳои давлатии Узбекистон хостанд, боз доранд, вале ронандагон ба фармони онҳо итоат накарданд. "Мошинҳо бо вуҷуди оташкушоии огоҳкунанда ҳаракатро идома доданд. Марзбонон маҷбур шуданд, ки ба чархи мошинҳо паронанд, дар натиҷа як шаҳрвандӣ Ӯзбекистон захмӣ шуд", - омадааст дар иттилоияи хадамот. Читать дальше...

Табибон дар Тоҷикистон ба 96 шаҳрванди хориҷӣ амалиёти пайвандсозии узвҳои баданро анҷом додаанд.

Ин масъаларо сафири тоҷик Ҷалолов Мирзошариф бо раиси шаҳри Аоморӣ ҷаноби Акиҳико Онодера баррасӣ кардааст

Малик Салмон бин Абдулазиз, подшоҳи Арабистони Саудӣ рӯзи панҷшанбе дар оғози нишасти изтирории Шӯрои ҳамкории Халиҷи Форс дар шаҳри Макка гуфт, Эрон бо рушди барномаи ҳастаӣ ва мушакҳои миёнапарвози худ амнияти минтақа ва ҷаҳонро ба хатар андохтааст.

Фаъолони мадании шаҳри Бишкеки Қирғизистон тасмим доранд, бо баргузории як тазоҳуроти осоишта аз мақомот муборизаи воқеиро бо коррупсия талаб кунанд. Ҳомии ҳуқуқ Рита Карасартова тариқи саҳифаи шахсияш дар шабакаи иҷтимоии Фейсбук мардумро ба тазоҳурот даъват кардааст. "Агар мо ҳозир даст ба иқдомҳои ҷиддӣ назанем ва ислоҳотро талаб накунем, дар мо чизе тағйир нахоҳад ёфт. Шумо аз мубориза бо фасод қонеъ ҳастед? Аз фаъолияти Кумитаи амнияти давлатии Қирғизистон қаноатмандед? Шумо розиед, ки миллионҳо... Читать дальше...

Ширкати русии "Росатом" тасдиқ кард, ки бунёди нирӯгоҳи ҳастаиро дар Узбекистон солҳои 2020-2021 оғоз карданист. Қарор аст, ин нерӯгоҳ дар наздикии обанбори "Ҳайдаркӯл" дар ноҳияи Фориши вилояти Ҷизах бунёд шавад. "Чандин гузина баррасӣ ва майдони зебое бо номи "Ҳайдаркӯл" интихоб карда шуд. Ин майдонро хуб медонем, вале бояд гуфт, ки тасмими ниҳоӣ пас аз дарёфти иҷозатнома барои бунёди нирӯгоҳ дар макони мазкур гирифта мешавад",-иқтибос овардааст хабаргузории ТАСС аз суханони раҳбари "Росатом" Алексей Лихачев. Читать дальше...

Кумитаи давлатии амнияти миллии Қазоқистон 30-юми май хабар дод, ки се сокини маҳаллиро бо гумони хариду фурӯши дастгоҳи тарканда боздошт кард. Ба огаҳии кумита, гумонбарон 28-уми май "ҳангоми хариду фурӯши норинҷак" дар вилояти Алмато дастгир карда шуданд. Аз онҳо ҳашт норинҷаки навъи РГД-5 мусодира кардаанд. Хадамоти матбуотии кумита қазияро аз ин бештар шарҳ надодааст ва танҳо афзуда, ки тафтишот идома дорад.

Дар яке аз автобусҳои мусофиркашонии шаҳри Ишқободи Туркманистон рӯзи 28-уми май дузди кисабуреро дастгир карданд. Ба гуфтаи шоҳидон, мусофирон дуздро дастгир ва бо латту кӯб аз автобус берун карданд. "Ҷолиб ин ки мусофирон, нахостанд пулисро даъват кунанд. Онҳо ба пулис эътимод надоранд ва намехоҳанд, пулис дахолат кунад. Одамон медонанд, ки пулис аз дузд ҳақ меситонад ва ӯро раҳо мекунад",-гуфт як шоҳиди ҳодиса. Шоҳиди дигари ҳодиса гуфт, бештари сокинони Ишқобод мехоҳанд, мушкилоташонро бидуни дахолати пулис ҳал кунанд.

Додгоҳе дар Туркия 74 низомии пешинро барои кӯшиши табаддулоти давлатӣ дар моҳи июни соли 2016 ба ҳабси якумрӣ маҳкум кард. Ба иттилои хабаргузории Anadolu, 56 тани онҳо ҷазои худро дар зиндони низомаш сахт адо мекунанд. Дар доираи парвандаҳои марбут ба табаддулоти давлатии Туркия ҷамъан 152 нафар ба ҳайси гумонбар иштирок доранд. Дар робита ба 31 парванда ҳукми сафедкунанда содир шудааст. Ба огаҳии додгоҳ, табаддулотгарон сардори пешини Ситоди кулли артиши Туркия Хулусӣ Акарро ба гарав гирифта... Читать дальше...

Усмон Тошев, сармураббии дастаи мунтахаби футболи Тоҷикистон, ҳайати дастаи мунтахаби кишварро дар бозиҳои дӯстона бо тимҳои миллии Афғонистон ва Чин эълон кард.

Зимомдорон ва уламои динӣ дар Осиёи Миёна беш аз 1000 сол дар ҳамзистии наздик ва танготанг ба сар бурдаанд. Ҳар ду ҷониб дар бештари маврид барои нуфуз яке аз дигаре истифода кардаанд.